مەرزىمىنەن بۇرىن ءماجىلىس دەپۋتاتتارى سايلاۋىن وتكىزۋ – قازىرگى زامان تالابى. مۇنداي پىكىردى بەلگىلى ساياساتتانۋشى ەرلان سايروۆ ايتتى.  

 ەرلان سايروۆ، ساياساتتانۋشى:

- الەمدە گەوساياسي جانە گەوەكونوميكالىق وزگەرىستەر بولىپ جاتىر. Cوعان سايكەس ءبىزدىڭ مەملەكەتىمىزدە 5 ينستيتۋتسيونالدى رەفورما ءىس-جۇزىنە اسۋدىڭ قادامىن باستاپ كەتتى.. قازاقستاندا سول رەفورمالاردى ءىس-جۇزىنە اسىرۋعا بايلانىستى زاڭنامالار قابىلداندى.

سونىمەن بىرگە ەلباسى ايتقانداي، ەلىمىزدە الەۋمەتتىك ترانسفورماتسيا پروتسەسستەرىن جۇرگىزۋ كەرەك. مىنە وسى تۇرعىدان، ارينە، قوعام مەن مەملەكەتتىڭ اراسىندا ءبىر جاڭا بايلانىس قۇرالدارى مەن كەرىبايلانىس تەتىكتەرىن جاساۋ كەرەك. ءبىزدىڭ ويىمىزشا، بۇل وتە زاڭدى. ويتكەنى رەفورمالاردى ارىقاراي جۇرگىزۋ ءۇشىن پارلامەنت جاڭا كۇنتارتىبىن ءتۇزىپ، جاڭا بەت-بەينەسىن قالىپتاستىرىپ، سونىمەن بىرگە جاڭاشا ءىس-قيمىلعا كىرىسۋى كەرەك. مەنىڭ ويىمشا V شاقىرىلىمداعى پارلامەنت ءماجىلىسى دەپۋتاتتارىنىڭ  سايلاۋدى مەرزىمىنەن بۇرىن وتكىزۋ تۋرالى باستاماسى  زاڭدى جانە تۇسىنىكتى.

Abai.kz