-قىزىنىڭ جۇكتى بوپ قالعانىن شەشەسى بىلمەدىم دەپ وتىر. ونىڭ نە ءۇشىن وسىنداي قادامعا بارعانى قازىر انىقتالۋدا. تەرگەۋ قۇپيالىعىنا بايلانىستى وزگە مالىمەتتەردى ايتا المايمىز. انىعى، ەگەر ونىڭ كىناسى راستالسا، 20 جىلعا دەيىن باس بوستاندىعىنان ايىرىلۋى مۇمكىن.  

بۇل كەشەگى كۇننىڭ ءبىر عانا جاعا ۇستاتارلىق جاڭالىعى. مۇنداي وقيعالاردىڭ مىڭى بولىپ جاتىر، قازاقستاندا. ءبىزدىڭ ءدال وسىندايلىق ازعىنداۋىمىزعا نە سەبەپ؟.. 

ءبىرىنشى سەبەپ، ءبىز ۇلتتىق سالت-داستۇرىمىزدەن، تۇسىنىك-تۇيسىگىمىزدەن ايرىلىپ قالدىق. "قىزعا قىرىق ۇيدەن تىيىم" جاساي المايتىن حالگە جەتتىك. تەلەارنانى قوسساڭ دا، ينتەرنەتتى اشساڭ دا "جۇلدىزدارىمىز" شەشىنىپ تاستاپ، جاسوسپىرىمدەردىڭ ساناسىنا "ۇلى ونەگەسىن" ءسىڭىرىپ جاتىر. جاسى ەلۋگە جاقىنداعان اپامىز، "كۇندە قىلىق" شىعاراتىن بولدى. تۋعان اكەسى قىزىنىڭ سۇلۋلىعىنا، سۇلۋلىعىنا ەمەس، "سەكسۋالدىعىنا" سىلەكەيى شۇبىراتىن زامان تۋدى. ءدال وسىنداي كەزدە ونىنشى سىنىپ قىزىنىڭ بوسانىپ قالۋى، زارارلى سەريالداردى كورىپ، جاعىمسىز كەيىپكەر وبرازىنا كىرىپ العان انانىڭ نەمەرەسىن (جيەنىن) زىمىراپ بارا جاتقان كولىكتىڭ تەرەزەسىنەن لاقتىرۋى - جاي انشەيىن قالىپتى جاعداي...

ارينە، ءبىز بۇل وقيعاعا تىكەلەي "جۇلدىزداردى" كىنالاۋدان اۋلاقپىز. ەل تىزگىنىن، تەلەارنا تىزگىنىن ء"انشى-بيشىگە" ۇستاتۋدى توقتاتپاساق، سولاردىڭ اۋى مەن باۋىن جارنامالاۋدى تەجەمەسەك، كورەتىنىمىز وسى بولماق؟

جول جيەگىنە لاقتىرىلعان ءسابيدىڭ نە كىناسى بار؟

ءشارىپحان قايسار

Abai.kz