45 جاستاعى داۆلات چولوۆقا قاتىستى وسىنداي اقپاردى بۇگىن كۋلياب ءوڭىرى بويىنشا ىشكى ىستەر مينيسترلىگى باسقارما باستىعىنىڭ ورىنباسارى  ابدۋكودير ميرزوزودا جاريالادى.

2014 جىلى داۆلات چولوۆ تۇركياعا ۇشىپ كەتپەك بولعان جەرىنەن ۇستالىپ، وعان يم قاتارىنا ادام تارتتى دەگەن ايىپ تاعىلعان ەدى. كەيىنىرەك ونى ايىپپۇل تولەپ، «وكىنگەنى» جانە «تەرگەۋمەن ارىپتەستىك ورناتقانى» ءۇشىن بوساتىپ جىبەردى. بۇدان سوڭ تۋىستارى داۆلات چولوۆتىڭ جوعالىپ كەتكەنىن حابارلادى. ول سيرياعا كەتۋى مۇمكىن دەپ جورامالدانعان بولاتىن. ​

داۆلات چولوۆ بۇرىن تاجىكستاننىڭ شەكارا كۇشتەرىنىڭ ساپىندا تاجىك-اۋعان شەكاراسىندا قىزمەت ەتكەن. قارۋ-جاراقتىڭ جوعالۋىنا بايلانىستى ايىپتاردان اۋعانستاندا بوي تاسالادى. چولوۆتار وتباسى 1992 جىلى پرەزيدەنت ەمومالي راحمونوۆقا بيلىك باسىنا كەلۋگە كومەكتەستى جانە 1990-شى جىلدارى تاجىكستانداعى ازامات سوعىسىندا ۇلكەن ىقپالى بولدى دەپ سانالادى.

تاجىك بيلىگىنىڭ دەرەكتەرىنشە، كۋلياب ايماعىنىڭ 90-نان استام تۋماسى سيرياداعى ەكسترەميستىك توپتاردىڭ قاتارىندا سوعىسىپ ءجۇر، تاعى سەگىزى يراكتاعى سودىرلارعا قوسىلعان.