وسى ايدا رەسەيلىكتەر كيەۆتىڭ ەۋرووداقپەن ەركىن ساۋدا جانە قاۋىمداستىق قۇرۋ تۋرالى كەلەسىمگە قول قويۋىنا بايلانىستى جاڭا ەكونوميكالىق سانكتسيالار ەنگىزگەن ەدى. ۋكراينا ينفراقۇرىلىمدار ءمينيسترى اندرەي پيۆوۆارسكي گرۋزيا مەن ءازىربايجان ارقىلى وتەتىن جاڭا باعىتپەن جۇك جەتكىزۋدى قاڭتاردىڭ 15-دە باستاۋ كوزدەلگەنىن حابارلادى.

پيۆوۆارسكيدىڭ ايتۋىنشا، جىبەك جولى ۋكراين تاۋارلارىنا بۇرىننان جاقسى وتەتىن نارىقتارعا كىرۋدىڭ تىڭ مۇمكىندىكتەرىن بەرىپ قانا قويماي،  ازيا مەن باتىس ەۋروپا اراسىندا جاڭا باعىت قالىپتاستىرماق. ING بانك كورپوراتسياسىنىڭ مالىمەتىنشە، 2017 جىلعا قاراي  ۋكراينا قازاقستانننىڭ كولەمى جاعىنان ءۇشىنشى يمپورتەرىنە اينالۋى مۇمكىن. ۋكراينا تاسىمالدايتىن تاۋارلاردىڭ دەنى كولىك جانە ماشينا قۇرال-جابدىقتارى. پيۆوۆارسكي قازاقستانعا كەلەسى اپتادا كاۆكاز ارقىلى قانداي تاۋارلار جونەلتىلەتىنىن ايتپادى.