قاڭتاردىڭ 12-دە شەتەلدىك ۆاليۋتانىڭ وزبەكتىڭ سۋمىنا قاتىستى ناقتى قۇنىن كورسەتەتىن وزبەكستاننىڭ «قارا بازارلارىندا» 1 اقش دوللارىنىڭ قۇنى 6 300 سۋمعا جەتكەن. وزبەك استاناسىنداعى «چورسۋ» بازارىنداعى ۆاليۋتا ساۋداگەرى قازىر ءبىر دوللاردى 6 100 سۋمنان ساتىپ الىپ، 6 200 سۋمنان ساتىپ جاتقاندارىن ايتتى. باقىلاۋشىلاردىڭ بولجاۋىنشا، كەلەسى ايدا وزبەكستانداعى «قارا بازارلاردا» امەريكالىق دوللاردىڭ سۋمعا قاتىستى باعامى تاعى كوتەرىلەدى.

مۇناي باعاسىنىڭ الەمدىك نارىقتاعى باعاسىنىڭ قۇلدىراۋى وزبەك سۋمىنىڭ قۇنسىزدانۋىنا اكەلۋى مۇمكىن.قاڭتاردىڭ 12-دە Brent ماركالى مۇنايدىڭ باررەلى 2,5 پايىزعا ارزاندادى. كەشە Brent مۇنايىنىڭ 1 باررەلى 32 دوللاردان ساۋدالاندى. بۇل رەسەيلىك ۆاليۋتانىڭ تاعى السىرەۋىنە اكەلدى. قازىر رەسەيدە 1 اقش دوللارى 77 رۋبلدەن اسىپ كەتتى.

سوڭعى جىلدارى رەسەيدەگى ەڭبەك ميگرانتتارى جولدايتىن اقشا اۋدارىمدارى وزبەك سۋمىن تولىق قۇلدىراۋدان ساقتاپ وتىرعان نەگىزگى سەبەپ رەتىندە اتالاتىن. رەسمي دەرەك بويىنشا، 2014 جىلى ءبىر عانا رەسەيدەگى وزبەك ميگرانتتارى وتانىنا كەم دەگەندە 2 ميلليارد اقش دوللارىن جىبەرگەن.