اقش ۋكرايناعا وتكەن جىلدىڭ جەلتوقسانىندا ەلدىڭ ەلەكتر جۇيەسىنە جاسالعان شابۋىلدى زەرتتەۋگە كومەكتەسەدى.

وقيعا 23 جەلتوقساندا ورىن العان. ناتيجەسىندە «پريكارپاتەوبلەنەرگو» قىزمەت كورسەتەتىن ەلدىڭ باتىسىنداعى 80 مىڭ ادام جارىقسىز قالدى. كەيبىر ساراپشىلار مۇنى حاكەرلىك شابۋىلدىڭ ناتيجەسىندە بولعان تاريحتاعى ءبىرىنشى وقيعا دەپ باعا بەردى. ۋكراينانىڭ قاۋىپسىزدىك كەڭەسى رەسەيدى بۇل ىسكە قاتىسى بار دەپ ايىپتايدى. ISight Partners امەريكالىق اگەنتتىگى رەسەيلىك «Sandworm» حاكەرلىك توبىنىڭ قاتىسى بار دەپ بولجام ايتتى. ەگەر رەسەيدىڭ قاتىسى دالەلدەنسە، وندا اقش پرەزيدەنتى باراك وباما 2014 جىلى Sony Pictures Entertainment كورپوراتسياسىن سولتۇستىككورەيالىق حاكەرلەردىڭ بۇزعانىن جاريالى تۇردە مالىمدەگەنى سەكىلدى، بۇل وقيعانى دا قالىڭ حالىققا جەتكىزەدى.

اباي-اقپارات