2016 جىلى ماجىلىسمەندەرمەن ماقۇلدانىپ، پرەزيدەنتتىڭ قول قويۋىن كۇتىپ تۇرعان جول ءجۇرۋ ەرەجەسىنە قاتىستى ءبىرتالاي وزگەرتۋلەر بار. NUR.KZ پورتالى وتىرار ارناسىنا سىلتەمە جاساپ كۇشىنە ەنۋى مۇمكىن ماڭىزدى وزگەرتۋلەردى نازارلارىڭىزعا ۇسىنادى.

جاڭا جىلدان باستاپ اۆتوجولاۋشىلار كولىكتەن پوليتسەيدىڭ رۇقساتىنسىز شىعا الاتىن بولادى

سونىمەن، ءبىرىنشىسى – جاڭا جىلدان باستاپ اۆتوجولاۋشىلار كولىكتەن پوليتسەيدىڭ رۇقساتىنسىز شىعا الاتىن بولادى. زاڭعا بۇل وزگەرتۋ ءماجىلىستىڭ العاشقى وقىلىمىندا ماقۇلداندى.

قازاقستاندىق ساقتاندىرۋ كومپانيالارىنىڭ قۇقىعىن كەڭەيتۋ

ەكىنشىسى – قازاقستاندىق ساقتاندىرۋ كومپانيالارىنا جول اپاتى بولعان جاعدايدا جول قىزمەتىنە تالاپتاردى قويۋ قۇقىعىن بەرۋى مۇمكىن.

كەي ايىپپۇلدار قاتايا تۇسەدى دەپ كۇتىلۋدە

ءۇشىنشىسى – كەي ايىپپۇلدار قاتايا تۇسەدى دەپ كۇتىلۋدە. ماسەلەن، مۇمكىندىگى شەكتەۋلى تۇلعالار ماس كۇيدە كولىك باسقارسا، جۇرگىزۋ قۇقىعىنان ايىرىلۋى مۇمكىن. وزگەرتىلمەگەن زاڭعا سايكەس، مۇمكىندىگى شەكتەۋلى تۇلعالارعا تەك ايىپپۇل سالۋ قاراستىرىلعان.
وپەراتيۆتى قىزمەت كولىكتەرىنە جول بەرمەگەندەر كوبىرەك ايىپپۇل تولەيتىن بولادى

ءتورتىنشىسى – ەگەر جۇرگىزۋشى دابىلداتىپ كەلە جاتقان جەدەل نەمەسە ارنايى قىزمەت كولىگىنە جول بەرمەگەن بولسا، بۇرىنعىداي 7 ەمەس، 10 اەك كولەمىندە ايىپپۇل تولەيتىن بولادى. ەگەر دابىلمەن كەلە جاتقان ارنايى بەلگىلەرى بار كولىكتى وتكىزبەسە 30 اەك كولەمىندە ايىپپۇل تولەيدى (بۇگىندە 10 اەك). جىل ىشىندە ەرجەنى قايتا بۇزاتىن بولسا، ايىپپۇل 15 اەك-دەن 50 اەك-گە دەيىن وسەتىن بولادى.
الكوگولگە نەمەسە ەسىرتكىگە مەديتسينالىق كۋالاندىرۋدان باس تارتقانداردىڭ جازاسى قاتايتىلادى

بەسىنشىسى – الكوگولگە نەمەسە ەسىرتكىگە مەديتسينالىق كۋالاندىرۋدان باس تارتقانداردىڭ جازاسى قاتايتىلادى. ماجىلىسمەندەر مۇنداي جاعدايدا جۇرگىزۋشىنى 2 جىلعا ەمەس، 3 جىلعا كولىك ايداۋ قۇقىعىنان ايىرۋدى ۇسىنۋدا.
تۇراق ەرەجەسىن بۇزۋعا قاراستىرىلعان ايىپپۇل ازايتىلادى

التىنشىسى – تۇراق ەرەجەسىن بۇزۋعا قاراستىرىلعان ايىپپۇل ازايتىلادى. ماجىلىسمەندەر تۇراق ەرەجەسىن بۇزعاندارعا 10 اەك ەمەس 3 اەك كولىمەندە ايىپپۇل سالعان جەتكىلىكتى دەپ سانايدى. ال مۇگەدەكتەرگە ارنالعان تۇراققا كولىگىن قويعاندار 50 اەك ورنىنا 5 اەك تولەۋ ماسەلەسى قاراستىرىلۋدا.

«ادەمى» مەملەكەتتىك نومىرلەر ءتىزىمى كەڭەيتىلمەك

جەتىنشىدەن – «ادەمى» مەملەكەتتىك نومىرلەر ءتىزىمىن كەڭەيتپەك. ەندى ووو، ZZZ سياقتى نومىرلەر جانە 717, 838 سياقتى اينالى نومىرلەر ساتىلاتىن بولادى. اينالى ءنومىر قۇنى 150 مىڭ تەڭگە، ال ادەمى ارىپتەرمەن بولسا، 300 مىڭ تەڭگە بولادى دەپ كۇتىلۋدە.
كولىكتى ءۇش ولشەمدى اەروگرافيامەن بەزەندىرۋگە تىيىم سالۋ

سەگىزىنشىسى – كولىكتى ءۇش ولشەمدى اەروگرافيامەن بەزەندىرۋگە تىيىم سالۋ. بۇل وزگەرىس قوعامدا ءبىرتالاي كەلىسپەۋشىلىكتەر تۋدىردى. سەبەبى، «ءۇش ولشەمدى اەروگرافيانىڭ» نە ەكەنى ناقتى تۇسىندىرىلمەگەن.

ەكى ولشەمدى سۋرەت سالعان جاعدايدا قانشا قاباتقا دەيىن سۋرەت سالۋعا بولاتىنى دا كورسەتىلمەگەن. اقىرى پوليتسەيلەر كەز-كەلگەن اەروگرافيالىق سۋرەتكە تىيىم سالۋعا بەل بۋدى. الايدا اەروگرافيا ۇعىمىنا نە جاتاتىنى سول بەتى ناقتىلانباعان.
بىرنەشە رەت جول اپاتىنا تۇسكەندەرگە ساقتاندىرۋ قۇنى قىمباتتاتىلۋى مۇمكىن

توعىزىنشىسى – بىرنەشە رەت جول اپاتىنا تۇسكەندەرگە ساقتاندىرۋ قۇنى قىمباتتاتىلۋى مۇمكىن. بۇل ۇسىنىستى قازاقستاننىڭ قارجىگەرلەر قاۋىمداستىعى جاساعان.

كىشىگىرىم جول اپاتىنا قۇجاتتاردى جول پوليتسياسى ينسپەكتورلارىنسىز راسىمدەۋ مۇمكىندىگى

ونىنشىسى – كىشىگىرىم جول اپاتىنا قۇجاتتاردى جول پوليتسياسى ينسپەكتورلارىنسىز راسىمدەۋ مۇمكىندىگى. ەۋروپروتوكول دەپ اتالاتىن بۇل ادىستە جۇرگىزۋشىلەر وقىس جاعدايدى وزدەرى كۋالاندىرىپ، جولدا كەدەرگى بولۋدان تەزىرەك قۇتىلۋعا مۇمكىندىك الادى. راسىمدەلگەن قۇجاتپەن زارداپ شەگۋشى تاراپ ساقتاندىرۋشىدان تولەم تالاپ ەتە الادى دەپ كۇتىلۋدە.
ۆەلوسيپەدشىلەرگە قاتىستى وزگەرىستەر

ون ءبىرىنشىسى – ۆەلوسيپەدشىلەرگە قاتىستى وزگەرىستەر. ناقتىراق ايتقاندا، ەلەكتروقوزعالتقىشتارى بار ۆەلوسيپەدتەردى زاڭداستىرۋ. ۆەلوسيپەدشىلەردىڭ قۇقىعىن كەڭەيتەتىن ءبىرتالاي وزگەرىستەر ەنگىزىلەتىن بولادى.

قازاقستان ءىىد بولسا، باعدارشامنىڭ تىكە جۇرۋگە تىيىم سالاتىن ساتىندە وڭعا بۇرىلۋعا رۇقسات بەرۋ ماسەلەسىن قاراستىرۋدا.
ەسكى كولىكتەردى اكەلۋگە قاتىستى وزگەرىستەر

ون ەكىنشىسى – 1 جىلدان 3 جىلعا جىلعا دەيىنگى مەرزىمدەگى شەتەل كولىكتەرىن اكەلۋ ءۇشىن 50 اەك، ياعني 99 مىڭ تەڭگە مولشەرىندە تولەم جاساۋى ءتيىس بولادى. ال كولىك مەرزىمى 3 جىلدان اسقان بولسا، سالىق مولشەرى 500 اەك، ياعني 991 مىڭ تەڭگە بولماق.

بۇگىندە قازاقستاندا 4 ملن 400 مىڭ كولىك تىركەلگەن، ولاردىڭ جارتىسىنا 18 جىل تولعان.
مەديتسينالىق قارسى كورسەتىمدەر

ەڭ سوڭىندا بەكىتىلگەن نورماعا توقتالساق. قازاقستاننىڭ دەنساۋلىق ساقتاۋ جانە الەۋمەتتىك دامۋ ءمينيسترى 2015 جىلعى 4 قاراشاداعى №853 بۇيرىعىمەن كولىك باسقارۋعا تىيىم سالاتىن مەديتسينالىق قارسى كورسەتىمدەر ءتىزىمىن بەكىتتى.

Nur.kz