يسپاندىق «بارسەلونانىڭ» ارگەنتيانالىق شابۋىلشىسى ليونەل مەسسي حالىقارالىق فۋتبول فەدەراتسياسىنىڭ (فيفا) «التىن دوپ» يەگەرى بولدى دەپ جازادى قازاقپارات.

2015 جىلدىڭ ۇزدىك الەم فۋتبولشىسىنا ماراپاتى تاپسىرۋ سالتاناتى تسيۋريحتەگى گالا-كەش كەزىندە بولدى، دەپ حابارلادى تاسس.

جاتتىقتىرۋشىلار مەن ۇلتتىق قۇرامالار كاپيتاندارىنىڭ، سونداي-اق جۋرناليستەردىڭ داۋىس بەرۋىندە 28 جاستاعى فورفارد ءوزىنىڭ كلۋبتاس ارىپتەسى برازياليالىق نەيماردان، سونداي-اق «رەال» شابۋلىشىسى پورتۋگالدىق كريشتيانۋ رونالدۋدان باسىم ءتۇستى.

ارگەنتينالىققا ماراپاتتى 2007 جىلعى «التىن دوپ» يەگەرى بارزيليالىق كاكا تاپسىردى.

«بۇل مەن ءۇشىن ەرەكشە ءسات بولدى – مەن ساحناعا ورالدىم جانە «التىن دوپتى» ەكى جىلدان كەيىن تاعى دا جەڭىپ الدىم، بۇعان دەيىن ونى كريشتيانۋ يەلەنگەن بولاتىن. «بەس «التىن دوپقا» يە بولۋ – بالالىق شاعىمداعى ارمانىمنان دا اسىپ ءتۇتستى، كومانداداعى «ارىپتەستەرىمە دە ريزامىن. مەن فۋتولدى وتە قۇشتارلىقپەن سۇيەمىن»، – دەدى مەسسي.

مەسسي مەن نەيمار يسپانيا چەپميوناتىنىڭ 2014/15 ماۋسىمداعى «بارسەلونامەن» بىرگە ەل كۋبوگىن جانە چەمپيوندار ليگاسىن، يسپانيا مەن ۋەفا سۋپەركۋبوكتارىن ءبولىستى، سونداي-اق جەلتوقساندا الەمنىڭ كلۋبتىق چەپيوناتىنىڭ جەڭىمپازى بولدى. ارگەنتينا قۇراماسىمەن امەريكا كۋبوگىنىڭ فينالىنا دەيىن باردى جانە ءتۋرنيردىڭ ۇزدىك ويىنشىسى اتاندى.

«التىن دوپ» جۇلدەسىن 1956 جىلى فرانتسۋزدىق France Football جۋرنالىنىڭ رەداكتسياسى تاعايىنداعان بولاتىن جانە جۋرناليستەرىڭ ساۋالداماسى بويىنشا، ەۋروپانىڭ ۇزدىك ويىنشىسىنا تاپسىرىلادى. 1991 جىلدان فيفا جىل لاۋرەاتىنا ءوز جۇلدەسىن تاپسىرا باستادى. 2010 جانە 2012 جىلداردا مەسسي ءۇش جىل قاتارىنان ۇزدىك ويىنشى دەپ تانىلدى.

Abai.kz