اراب ەلدەرى مەن قىتايدىڭ مىقتىلى¬عىن بىلتىرعى جىل ايقىن دالەلدەدى. Brent ماركالى مۇنايدىڭ باعاسى ءتۇسىپ ەدى، الەم ەلدەرى تالتىرەكتەپ قالدى. ال، قىتايدىڭ يۋانى ءسال ارزانداعاندا، دۇنيەجۇزىنىڭ تىزەسى ءدىرىل قاقتى...
«داعدارىس قازاقستانعا سوقپاي، ءوز¬بەك¬ستان مەن قىرعىزستان تاۋلارى¬نىڭ ورتاسىمەن ءوتىپ كەتتى» دەپ، ەرتەگى سوققان قازاق ۇكىمەتىنىڭ اندەرسوندارىنىڭ وتىرىكتەر اشىلىپ، ابىرويلارى ايرانداي توگىلدى.
بىلتىرعى اسا اۋىر جىلدا الەمدەگى ەڭ ءالسىز ۆاليۋتا – قازاق تەڭگەسى بولدى. بەلورۋس ءرۋبلى - 54,3 پايىزعا، ۋكراين گريۆناسى - 48,7 پايىزعا، قازاق تەڭگەسى - 85,2 پايىزعا قۇنسىزداندى. ياعني، ەگەر اقشاسى قۇنسىزدانۋدان الەمدىك وليمپيادا وتكەندە، التىن مەدال بىزدىكى بولار ەدى. ءازىربايجاننىڭ ماناتى، زامبي مەن مالاۆيلىك كۆاچا، ارگەنتيندىك پەسو، موزامبيكتىڭ مەتيكالى، برازيليالىق رەال دا ارزانداپ كەتتى.
ءبىر قىزىعى، قازاق ۇكىمەتى: «رەسەي ۆاليۋتاسى قۇنسىزدانعاندىقتان، تەڭگەمىز تەنتىرەپ قالدى» دەپ سىلتاۋراتقانىمەن، ورىس اقشاسى ءالسىز ۆاليۋتالاردىڭ قاتارىنا كىرگەن جوق. بۇعان نە دەيسىز؟..
تاعى ءبىر «عاجايىپ»: سومالي دەگەن ەل – كەدەي جۇرت. بىراق، بىلتىر سوماليلىك شيللينگتىڭ باعامى ەداۋىر كۇشەيە ءتۇستى. ءتىپتى، ليۆاننىڭ فۋنتى دا ەڭسەسىن تىكتەپ الدى...
بيۋدجەتىنىڭ 75 پايىزى مۇناي ساتۋدان تۇسكەن قارجىدان قۇرالاتىن قازاقتىڭ تەڭگەسى ەكى ەسەدەي قۇنسىزدانىپ، حالىق¬تىڭ قاۋقارى قايتىپ قالدى. مەنىڭشە، كارىم ءماسىموۆ-ءتىڭ ۇكىمەتى 2006 جىلدان بەرى، باقانداي 10 جىلدىڭ ىشىندە، داعدارىستىڭ داۋاسىن تاپپاسا، بۇدان ءارى قاراي ءۇمىت قىلۋدىڭ قاجەتى دە جوق، ماعىناسى دا بولمايدى...
ويتكەنى، ۇلتتىق اقشاسى 85 پايىز قۇنسىزدانعان ەلدە – زەينەتاقى مەن شاكىرتاقىنى 25 پايىزعا ءوسىرىپ، ەسەپ-قيساپ قىلعان مامانداردىڭ (كارىم ءماسىموۆتىڭ ۇكىمەتى. ق.ع.) كاسىبي دارەجەسىنە قويىلاتىن باعا – قاناعاتتانارلىقسىز! جاڭا كۇنتىزبەدەگى بەتاشار ءسوزىمىز وسى!
...ۇرىسى ۇپتەپ جۇتقان، قارىسى قار¬پىپ جەگەن قازاق ەلى دە اۋپىرىمدەپ جا¬ڭا جىلدىڭ ەسىگىن اشتى. بىلتىرعى تو¬نا¬لۋ¬دان – وڭالۋ وڭاي ەمەس. قايسى¬بىر قي¬سىق-قىڭىر ساۋەگەلەر بيىلعى جىل¬دىڭ دا «وڭاي جاعىلاتىن جاڭ¬عاق» بول¬مايتىندىعىن ايتىپ، ساندىراق¬تاي¬دى...
ءوز باسىم، ەلىمنىڭ بۇگىنى – باقۋات، ەرتەڭى – ەڭسەلى بولسا، دەگەن دامەدەمىن.
ەڭ باستىسى، ءاربىرىمىزدىڭ جۇرەگىمىز بەن سانامىزدا داعدارىس بولماسىن! ەل مەن جەر ءازىر قۇتتى قونىسىندا. «ورىندا بار – وڭالار!..» كەشەگى قايسار بابام سولاي دەگەن...

قاجىمۇقان عابدوللا
Abai.kz