كورىپكەل مۇنى ء«ىرى مۇسىلمان سوعىسى» دەپ اتاپ كورسەتىپتى.

1911-1996 جىلدارى ءومىر سۇرگەن ۆانگانىڭ كوپ نارسەنى وتە ءدال بولجاپ كەتكەنى دە بەلگىلى. ماماندار ونىڭ بولجامدارىنىڭ (ەگەر بارلىق ايتقان مالىمدەمەلەرىن تۇگەل الساق) شامامەن 85 پايىزى اينا-قاتەسىز ءدال كەلدى دەپ باعالاپ وتىر. ول، اتاپ ايتقاندا، اقش-تا 2001 جىلعى قىركۇيەكتە ورىن العان قاندى تەراكتىنى، كليماتتىڭ وزگەرۋىن، 2004 جىلعى الاپات ءتسۋناميدى، «كۋرسك» سۇڭگۋىر كەمەسىنىڭ اپاتىن، سونداي-اق ءتىپتى امەريكانىڭ 44-ءشى پرەزيدەنتى قارا ءناسىلدى (باراك وباما) بولاتىنىن «كورە بىلگەن». سوڭعىسىن ول 1989 جىلى بولجاعان… جانە ونى «اقش-تىڭ ەڭ سوڭعى پرەزيدەنتى» دەپ اتاپ كورسەتكەن ەكەن.

12 جاسىندا سۋ قاراڭعى سوقىر بولىپ قالاتىن ۆانگەليا گۋشتەروۆانىڭ 2016 جىلعا ارنالعان بولجامى دا بار بولىپ شىقتى. وسى كورىپكەلدىككە قاراپ وتىرىپ، ءبىز وسى جىلى مۇسىلمان ەكسترەميستەرىنىڭ كارى قۇرلىققا كىرىپ كەتەتىنىن، وسىنىڭ سالدارىنان «ۇلكەن مۇسىلمان سوعىسىنىڭ» بۇرق ەتە قالاتىنىن بىلەمىز. ۆانگا ۇرىس الدىمەن سيريادا باستالىپ، ونىڭ 2043 جىلى ءريمنىڭ حاليفات استاناسى بولۋىمەن اياقتالاتىنىن ايتىپتى.

«2016 جىلى مۇسىلمانداردىڭ ەۋروپاعا باسىپ كىرۋى كۇتىلەدى، – دەپتى ۆانگا. – بۇل جىل سوڭىندا كونتينەنتتىڭ ادەتتەگى ماعىناسىندا تىرشىلىك ەتۋىن توقتاتىنىن بىلدىرەدى. ماسەلە مىنادا، ەكسترەميستەر ەۋروپالىقتارعا قارسى حيميالىق قارۋ قولدانادى».

بالكىم، بۇل بولجامدى «قۇلاقتان ۇرۋ» رەتىندە قابىلداۋدىڭ ءوزى قيىنداۋ شىعار. ونىڭ ۇستىنە، مۇنىڭ الدى كەلىپ تە جاتىر. بولگار كورىپكەلى مۇنىڭ ءبارى «اراب كوكتەمىنەن» باستاۋ الاتىنىن دا انىق بىلگەن. ول مۇنى تۋنيستەن باستالاتىن تاياۋ شىعىستاعى كوپتەگەن رەۆوليۋتسيالار رەتىندە اتاپ ءوتىپتى دە، ءتۇيىندى جايلاردىڭ سيريادا وينالاتىنىنا توقتالىپتى.

ras.kz 

تۇپنۇسقاداعى تاقىرىپ: اتاقتى كورىپكەل ۆانگانىڭ 2016 جىلعا جاساعان بولجامى