ازىق-تۇلىك تاۋارلارىنىڭ باعاسى وتكەن جىلى 10,9 پايىزعا، وزگە تاۋار تۇرلەرىنىڭ قۇنى — 22,6 پايىزعا، اقىلى قىزمەت باعاسى 8,1 پايىزعا قىمباتتاعان. 
2015 جىلدىڭ باسىندا ۇكىمەت ينفلياتسيانىڭ جىلدىق مولشەرى 6–8 پايىز كولەمىندە بولادى دەپ جوسپارلاعان ەدى. ءبىرىنشى جارتى جىلدىقتىڭ قورىتىندىسى بويىنشا، ينفلياتسيا 1,4 پايىزدى قۇرادى. الايدا قازاقستان بيلىگى تەڭگەنىڭ ايىرباس قۇنىن ەركىنە جىبەرەتىنىن مالىمدەگەن سوڭ، دەۆالۆاتسيا اسەرىنەن ينفلياتسيا ەكپىنى كۇشەيگەن. وتكەن جىلدىڭ قاراشاسىندا ۇلتتىق بانك توراعاسى دانيار اقىشەۆ ۇكىمەتتىڭ استاناداعى كەڭەيتىلگەن ماجىلىسىندە 2015 جىلدىڭ قورىتىندىسى بويىنشا ينفلياتسيا مولشەرى بولجانعان مەجەدەن اسىپ كەتۋى مۇمكىن ەكەنىن ەسكەرتكەن ەدى. 2014 جىلى قازاقستانداعى ينفلياتسيا 7,4 پايىزدى قۇراعان.