Associated Press اگەنتتىگىنىڭ حابارلاۋىنشا، ناتو وكىلى  وانا لۋنگەسكۋ پرەزيدەنت ۆلاديمير پۋتين جەلتوقساننىڭ 31-دە قول قويعان رەسەيلىك جاڭا ۇلتتىق قاۋىپسىزدىك ستراتەگياسىنا قاتىستى وسىنداي تۇسىنىكتەمە بەردى. رەسەيدىڭ جاڭالانعان ۇلتتىق قاۋىپسىزدىك ستراتەگياسىندا ناتو اياسىنىڭ كەڭەيۋى ەل ءۇشىن باستى قاۋىپتىڭ ءبىرى بوپ سانالادى. ودان بولەك، كرەمل باتىستىڭ ماقساتى «ينتەگراتسيالىق ۇدەرىستەرگە قارسى ارەكەت ەتۋ، شيەلەنىسۋ وشاقتارىن تۋدىرۋ» جانە مۇنداي جاعداي رەسەيدىڭ مۇددەلەرىنە قايشى كەلەدى دەپ سانايدى. لۋنگەسكۋ بۇل پىكىردى نەگىزسىز دەپ اتادى.

رەسەيلىك جاڭا ۇلتتىق قاۋىپسىزدىك ستراتەگياسىندا رەسەيدىڭ باتىس ەلدەرىمەن قارىم-قاتىناسى مەن «مەملەكەتتىڭ قورعانىس قابىلەتىنە» قۇجاتتىڭ تەڭ جارتىسىنا جۋىعىن قامتيتىن 40 ءبولىم ارنالعان.