قازاقستاندى ۇلكەن "كوتتەدج" دەپ قارايتىن بولساق قۇرىلىسى بىتپەگەن قاڭىراپ تۇرعان "ساقالدى قۇرىلىسقا" ۇقساتار ەدىم. ءۇيدىڭ قابىرعاسىن حالىق، ىرگەتاسىن ءتىل، شاتىرىن ءدىن دەپ ەسەپتەسەك وندا جاعدايىمىز ءماز ەمەس.

توبەمىز شۇرق تەسىك، ىرگەتاسىمىز مىقتاپ قالانباعان. مىسالى سىزگە وتە قوماقتى اقشا بەرىپ جانە 25 جىل ۋاقىت بەرسە ءسىز قانداي باسپانا تۇرعىزار ەدىڭىز. ەگەر ءسىز ساناسىز، وتباسىڭىزدى ويلامايتىن بولاشاق ۇرپاقتى قاپەرىنە المايتىن بولساڭىز وندا قولىڭىزداعى اقشانى وڭدى-سولدى شاشىپ جىن-ويناققا جۇمسار ەدىڭىز. اقشاڭىز بىتكەن سوڭ كورشىلەرگە قارىزعا بەلشەدەن باتاسىز، سوسىن وتباسىڭىزدى وسىعان دا شۇكىر ايتىڭدار بىزدە ءبارى كەرەمەت دەپ اۋزىن جاباسىز جانە اينالاداعى وزگەلەردى وسىعان سەندىرەسىز. ال سانالى، تاۋەلسىز ادام بولساڭىز قولداعى قارجىنىڭ كومەگىمەن الىپ ءۇي تۇرعىزىپ بولاشاقتىڭ قامىن مىقتاپ جاسايتىن بولاسىز. سونىمەن قاتار ۇرپاق ءۇشىن ولە-ولگەنشە جاعداي جاساپ ارتىعىمەن مال-مۇلىكتى ساقتاپ قوياسىز. ەشقانداي دا قارىز جوق باسىڭىزدا باسپانا، ىرگەتاسى مىقتى، قابىرعاسى قالىڭ، شاتىرى سۋ وتپەيتىن ءۇي ەمەس قورعان سالاتىن ەدىڭىز. دوس قىزىعىپ، دۇشپان قىزعانىپ قارايتىن ۇلكەن وتباسى بولار ەدىڭىز. ال قازىرگى ءبىزدىڭ مەملەكەتتىڭ ىرگەتاسى ورىستىڭ تسەمەنتىمەن، قىتايدىڭ قابىرعاسىمەن، ارابتىڭ شاتىرىمەن جابىلىپ قۇرىلىسى بىتپەي قاڭىراپ تۇر. قىسقا ءجىپ كۇرمەۋگە كەلمەي قارىزعا بەلشەدەن باتىپ تۇرعانىمىز جاسىرىن ەمەس. ۇلى قورعان سالۋ ءۇشىن قازاقتىڭ تىلىمەن ىرگەتاسىن قالاپ، ناعىز تاۋەلسىز باتىر حالىقپەن قابىرعاسىن تۇرعىزىپ، ۇلتتىق سالت-ءداستۇر، يسلام دىنىمەن شاتىرىمىزدى جاۋىپ الۋىمىز كەرەك بولىپ تۇر.

بەگلان شارىنباي

Facebook-تەگى پاراقشاسىنان