ەكونوميستەر 2015 جىلدى تاجىكستان ەكونوميكاسى ءۇشىن 21-ءشى عاسىردىڭ باسىنان بەرگى ەڭ اۋىر جىل رەتىندە اتادى.

ولاردىڭ سوزىنشە، پوستكەڭەستىك كەدەي ەلدى الدا بۇدان دا قيىن شاقتار كۇتىپ تۇر.تاجىكستان ەكونوميكاسى ءۇشىن 2008-2009 جىلدارداعى داعدارىس قازىرگى توقىراۋمەن سالىستىرعاندا الدەقايدا جەڭىل بولعان.

تاجىكستان ەكونوميكاسىنداعى داعدارىستىڭ باستى سەبەپتەرى رەسەي  ەكونوميكاسىنداعى داعدارىسپەن،ميگرانتتاردان تۇسەتىن اقشا سالىمدارى كولەمىنىڭ ازايۋىمەن، ۇلتتىق ۆاليۋتانىڭ امەريكالىق دوللار مەن ەۆروعا قاتىستى 30 پايىزعا ارزانداۋىمەن جانە رەسپۋبليكانىڭ باستى ەكسپورتتىق ونىمدەرى - اليۋميني مەن ماقتا باعاسىنىڭ قۇلدىراۋىمەن بايلانىستى. بۇل جاعدايلار تاجىكستان ۇكىمەتىن داعدارىسقا قارسى جوسپار دايىنداۋعا ءماجبۇر ەتتى. دۋشانبە قازاقستان مەن ءازىربايجاننىڭ تاجىريبەسىن باسشىلىققا الىپ، سوموني باعامىن ەركىنە جىبەرۋى مۇمكىن. دەگەنمەن ۆاليۋتا باعامىن  بوساتىپ جىبەرسە، ونىڭ قاي مەجەگە دەيىن اۋىتقيتىنى بەلگىسىز.

سومونيدىڭ دەۆالۆاتسياسى رەسەيدەگى ەكونوميكالىق داعدارىس اسەرىنەن وسى ەلدە جۇمىس ىستەيتىن تاجىك ميگرانتتارى اۋداراتىن اقشا كولەمىنىڭ ازايۋىمەن تىعىز بايلانىستى. رەسەيدىڭ ورتالىق بانكىنىڭ دەرەگىنشە، بىلتىرعى جىلدىڭ سوڭعى توعىز ايىندا ميگرانتتار تاجىكستانعا 1 ملرد 54 ملن دوللار اۋدارعان. ءبىر جىل بۇرىن تاجىكستاننىڭ رەسەيدە ىستەيتىن 1 ملن ازاماتى وتانىنا  3,8 ملر دوللار، الونىڭ الدىڭعى جىلى - 4,1 ملرد دوللار جونەلتكەن.

Abai.kz