تاجىكستان سىرتقى ىستەر مينيسترلىگى جەلتوقساننىڭ 29-ى كۇنى، كەشكە يران يسلام رەسپۋبليكاسىنىڭ تاجىكستانداعى توتەنشە جانە وكىلەتتى حۋدجاتۋللو فيگونيدىڭ تاجىكستان ءسىم-نە شاقىرىلعانىن حابارلادى.

كەزدەسۋ بارىسىندا جەلتوقساننىڭ 27-دە تەگەراندا وتكەن يسلام بىرلىگى تۋرالى حالىقارالىق كونفەرەنتسيا تاقىرىبى ءسوز بولعان. كەزدەسۋ سوڭىندا يران ەلشىسىنە تاجىكستاننىڭ سىرتقى ىستەر مينيسترلىگى نوتا تاپسىردى.

وندا: “مينيسترلىك  كونفەرەنتسياعا تاجىكستاندا مەملەكەتتىك توڭكەرىس جاساۋ ارقىلى كونستيتۋتسيالىق بيلىكتى باسىپ الماق بولعانى ءۇشىن قىلمىستىق ءىس ارقالاعان جانە ينتەرپول جەلىسىمەن ىزدەۋ جاريالانعان ەكسترەميستىك جانە تەررورلىق  يسلامدىق قايتا وركەندەۋ پارتياسىنىڭ بۇرىنعى توراعاسى مۋحيددين كابيريدىڭ قاتىسقانىن وكىنىشپەن ەسكەرتەدى", - دەلىنگەن.

تاجىكستاننىڭ ءسىم كونفەرەنتسيا ۇيىمداستىرۋشىلارىنىڭ ارەكەتىن قابىلداي المايتىنىن جانە "تاجىكستان مەملەكەتى مەن ۇلتىنىڭ قارسىلاستارىنا بۇلاي كوڭىل ءبولۋدىڭ تاجىكستان رەسپۋبليكاسى مەن يران يسلام رەسپۋبليكاسىنىڭ اراسىنداعى دوستىق قارىم-قاتىناسقا سىزات ءتۇسىرۋى مۇمكىن» ەكەنىن ەسكەرتتى.

Abai.kz