قۇراما شتاتتار رامادي قالاسىن ازات ەتكەن يراك اسكەرلەرىنە قولداۋ كورسەتتى. دۇيسەنبى كۇنى يراك بيلىگى قالانى «يسلام مەملەكەتى» (يم) ەكسترەميستىك توپتىڭ كوتەرىلىسشىلەرىنەن ازات ەتكەندىكتەرىن جاريالاعان بولاتىن.

اقش-تىڭ قورعانىس ءمينيسترى ەشتون كارتەر يراك اسكەرلەرىنىڭ يم-ءدى ىعىستىرۋى اتالعان توپپەن كۇرەستەگى ايتارلىقتاي العا باسۋشىلىق دەپ اتادى. ول يراك ۇكىمەتىن راماديدا بەيبىتشىلىكتى ساقتاۋعا شاقىرىپ، يم كوتەرىلىسشىلەرىنىڭ قايتا كىرۋىن الدىن الىپ، تۇرعىنداردىڭ قالاعا ورالۋىنا مۇمكىندىك جاساۋ كەرەك دەدى.

حالقىنىڭ كوپ بولىگىن مۇسىلمان-سۇننيتتەر قۇرايتىن رامادي قالاسىن ءوتىپ بارا جاتقان جىلدىڭ مامىر ايىندا يم سودىرلارى باسىپ العان بولاتىن. «رامادي قالاسى ازات ەتىلدى، – دەپ جاريالادى دۇيسەنبى كۇنى يراك اسكەرىنىڭ وكىلى، گەنەرال ياحيا راسۋل مەملەكەتتىك تەلەارنادان.

الايدا پروۆينتسياداعى اسكەري وپەراتسيانىڭ باسشىسى انبار يسمايل ءال-مالاۆي قالانىڭ كەيبىر بولىكتەرى ءالى دە سودىرلاردىڭ باقىلاۋىندا دەگەن قاۋپىن بىلدىرگەن بولاتىن. ول Associated Press اگەنتتىگىنە اسكەر تەك ۇكىمەت ءۇيىن باسىپ كىردى، قالانىڭ باسقا بولىكتەرى ءالى دە كوتەرىلىسشىلەردىڭ قولىندا دەگەن بولاتىن. 

Abai.kz