«كوممەرسانت» باسىلىمىنىڭ جازۋىنشا، تەرگەۋ ىسىنە جاقىن اقپارات كوزى جارىلعىش 1960 جىلدارى اقش-تا جاسالعان سي-4 پلاستيكالىق جارىلعىش قۇرىلعىنىڭ نەگىزىندە جاسالعانىن ايتقان. قازىرگى ۋاقىتتا ونىڭ تۇرلەرىن كوپتەگەن ەلدەر شىعارادى. سول سەبەپتەن بۇل تەراكتىنى ورىنداۋشىلاردى تابۋدى قيىنداتادى دەگەن.

تەرگەۋ ءىسىنىڭ مالىمەتىنە سايكەس، جارىلعىش زاتتى بورتقا اۋەجاي قىزمەتكەرىنىڭ ءبىرى قويىپ، ەلەكتروندى تايمەردى ىسكە قوسقان. «كوممەرسانتتىڭ» اقپارات كوزىنىڭ ايتۋىنشا، بومبانى سالوننىڭ سوڭىنا جولاۋشى ورىندىعىنىڭ استىنا قويعان.

رەسەيدىڭ تەرگەۋ كوميتەتى بۇل وقيعانى تەراكتى دەپ باعا بەرسە دە، ءالى كۇنگە دەيىن بۇل ىسكە قاتىستى قىلمىستىق ءىس قوزعالعان جوق.

ال ەگيپەت بيلىگى بولسا، تەراكتى بولعانىن جوققا شىعارادى. وسى اپاتتان كەيىن رەسەي بيلىگى ۇشاقتارىنىڭ ەگيپەتكە ۇشۋىنا تىيىم سالدى. 

اباي-اقپارات