رەسەي قورعانىس مينيسترلىگىنىڭ حابارلاۋىنشا، رس-12م "توپول" قۇرلىقارالىق بالليستيكالىق زىمىرانى 24 جەلتوقسان كۇنى استانا ۋاقىتى بويىنشا تۇنگى ساعات 23:55-تە اتىلعان. ماسكەۋ "توپول" قۇرلىقارالىق بالليستيكالىق زىمىرانىن اسكەري جاراقتانۋ دايىندىعىن تەكسەرۋ ءۇشىن اتىلعان دەيدى.

رەسەي بۇعان دەيىن بىرنەشە مارتە استراحانداعى "كاپۋستين يار" پوليگونىنان "توپول" قۇرلىقارالىق بالليستيكالىق زىمىرانىن سىناقتان وتكىزگەن. ول زىمىرانداردىڭ بارلىعى سارىشاعان پوليگونىنداعى شارتتى نىساناعا باعىتتالىپ، ءدال تيگەن. سوڭعى سىناق بيىل تامىز ايىندا جاسالعان. ول كەزدە دە "توپول" سارىشاعانداعى شارتتى نىسانانى اتىپ تۇسىرگەن.

رەسەي قاراعاندى وبلىسىنداعى سارىشاعان پوليگونىنىڭ ءبىر بولىگىن 1996 جىلى قازاقستانمەن جاسالعان كەلىسىم بويىنشا جالعا العان. پوليگوننىڭ قالعان بولىگىن قازاقستان پايدالانادى.

اباي-اقپارات