رەسەي پرەزيدەنتى ۆلاديمير پۋتين رەسەيدىڭ ەشقاشان كەڭەس وداعىن قايتا قۇرۋعا تىرىسپاعانىن جانە بۇعان "ەشكىمنىڭ سەنبەيتىنىن" مالىمدەدى.

الەمدىك تارتىپكە ارنالعان كەشەگى تەلەۆيزيالىق كورسەتىلىمدە پۋتين: «ۋكراينا مەن جالپى پوستكەڭەستىك كەڭىستىكتى الساق، ءبىزدىڭ باتىستاعى ارىپتەستەرىمىزدىڭ، ەۋروپالىق جانە امەريكالىقتاردىڭ كوزقاراسى ۋكراينانىڭ مۇددەسىن قورعاۋ ەمەس، كەڭەس وداعىن قالپىنا كەلتىرۋگە كەدەرگى جاساۋ ەكەنىنە كۇمانىم جوق جانە كەڭەس وداعىن قايتا قالپىنا كەلتىرۋدى كوكسەمەيتىنىمىزگە ەشكىم سەنبەيدى»، – دەدى.

ماسكەۋ مەن باتىستىڭ قارىم-قاتىناسى بىلتىرعى جىلدىڭ ناۋرىزىندا رەسەي ۋكرايندىق قىرىم تۇبەگىن باسىپ العالى بەرى جانە ۋكراينانىڭ شىعىسىنداعى قاقتىعىستاردىڭ سالدارىنان ۋشىعىپ كەتتى. رەسەي قولداپ وتىرعان جىكشىلدەر مەن ۋكراين اسكەريلەرىنىڭ اراسىنداعى سوعىستان 2014 جىلدىڭ ساۋىرىنەن بەرى توعىز مىڭنان استام ادام قازا تاپتى. ماسكەۋ ۋكراين ۇلتشىلدارى وسى وڭىردە تۇراتىن ەتنيكالىق ورىستار مەن ورىس تىلىندە سويلەيتىن ۋكرايندىقتارعا قاۋىپ توندىرەدى دەپ سانايدى.

Abai.kz