باسپانانى يپوتەكا ارقىلى الۋ قىمباتتاعان سوڭ قازىر ورتا داۋلەتتى ادامدار  تۇرعىن ءۇي قۇرىلىسىنا اقشا سالىپ جاتىر. «Ranking.kz» سايتى يپوتەكالىق نەسيەلەۋ بىلتىرعى جىلى قاتتى ءوسىپ، ءوزىنىڭ شەكتى مۇمكىندىگىنە جەتكەننەن كەيىن ەلىمىزدە  2 پايىزعا، ياعني 895,6 ملرد تەڭگەگە كەمىدى دەپ حابارلايدى. ەكىنشى دەڭگەيدەگى بانكتەر (ەدب) الدىنا الا قارجىلاندىرۋ قورجىنىن 2014 جىلعى 23 پايىز بەن 2013 جىلى بولعان 25 پايىزدان وسى جىلى 22 پايىزعا دەيىن ازايتتى.

«ەلىمىزدە ورتاشا ەڭبەكاقى كولەمى 121 مىڭ تەڭگە ەكەندىگىن ەسكەرسەك، ءبىر بولمەلى پاتەردى يپوتەكاعا العان ادام تاپقان تابىسىنىڭ 64 پايىزىن جۇمسايدى ەكەن. وسىدان ءبىر جىل بۇرىن زاەمشى يپوتەكاعا تابىسىنىڭ 62 پايىزىن، الدىڭعى جىلى 58 پايىزىن قۇياتىن. ال ەندى سالىستىرۋ ءۇشىن مىسالعا كەلتىرسەك، تۇرعىن ءۇي قۇرىلىسىنا قارجى سالعان تۇلعا، ورتاشا ەسەپپەن العاندا، تابىسىنان اي سايىن 50,3 مىڭ تەڭگە قۇيىپ وتىرادى. بۇل ونىڭ   جالاقىسىنىڭ 42 پايىزىنا ەسەپ. ورتا تاپ وكىلدەرى نەسيەلەۋدىڭ وسىنداي جۇيەسىنە سوندىقتاندا قىزىعۋشىلىق تانىتۋدا. تۇرعىنۇيقۇرلىسجيناق بانكىنىڭ ەدب-ءنىڭ يپوتەكالىق قورجىنىنداعى ۇلەسى 23 پايىزدان 32 پايىزعا ءوسىپ وتىر» دەپ جازادى  «Ranking.kz» سايتى.

كەيىنگى جىلدارى تۇرعىنداردى باسپانامەن قاماتاماسىز ەتۋ ءۇشىن بەرىلەتىن قارجى كولەمى (زاەم) 7 پايىزعا قىسقاردى. ال، «قازاقستاننىڭ تۇرعىنۇيقۇرىلىسجيناق بانكى» اق-نىڭ الدىن الا قارجىلاندىرۋ قورجىنى 75 ملرد تەڭگەگە ءوستى. بۇل 2014 جىلمەن سالىستىرعاندا 37 پايىزعا ارتىق ءوسىم.

اباي-اقپارات