گۇل شوعىن قويۋ راسىمىنە الماتى اكىمى باۋىرجان بايبەك،قوعام قايراتكەرلەرى، ساياساتكەرلەر مەن ازاماتتىق بەلسەندىلەر قاتىستى. گۇل شوعى قويىلىپ، قۇربانداردىڭ رۋحىنا قۇران باعىشتالعان سوڭ، جينالعاندار قالا اكىمشىلىگى جىل سايىن ۇيىمداستىراتىن اسقا باردى.

1986 جىلى جەلتوقساننىڭ 17-18-ءى كۇندەرى الماتىدا، كەڭەستىك قازاقستاننىڭ باسشىلىعىنا ماسكەۋدىڭ شەشىمىمەن گەننادي كولبيننىڭ تاعايىندالۋىنا نارازى بولعان ستۋدەنتتەر مەن جۇمىسشى جاستاردىڭ شەرۋى بولدى. جاستاردىڭ نارازىلىعى كۇشپەن باسىپ-جانشىلدى، ەل بويىنشا شەرۋگە قاتىسقاندار مەن وزگە دە سەنىمسىز ازاماتتارعا قارسى جازالاۋ ناۋقانى ءوتتى. باسىم بولىگى جاستاردان تۇرعان 99 ادام تۇرمەگە جابىلدى. جەلتوقسان وقيعاسىنىڭ ەڭ تانىمال قاتىسۋشىلارىنىڭ ءبىرى - قايرات رىسقۇلبەكوۆ وزىنە كەسىلگەن اتۋ جازاسى 25 جىلعا باس بوستاندىعىنان ايىرۋعا الماستىرىلعان سوڭ، تۇرمەدە جۇمباق جاعدايدا قازا تاپتى. 

قۇقىق قورعاۋشى ۇيىمدار مەن وپپوزيتسيالىق ساياساتكەرلەر 1986 جىلعى جەلتوقسان وقيعاسى مەن ودان كەيىنگى قۋعىن-سۇرگىننىڭ اق-قاراسى كۇنى بۇگىنگە دەيىن انىقتالعان جوق دەپ سانايدى.