بۇل تۋرالى استانادا مادەنيەت جانە سپورت ۆيتسە-ءمينيسترى ساكەن مۇسايبەكوۆ مالىمدەدى. حاتتاردا سپورت شارالارىن ۇيىمداستىرۋشىلارعا گيمننىڭ دۇرىس نۇسقاسىن بەرۋ تۋرالى تاپسىرما بەرىلگەن.

قازاقستاننىڭ ەسكى ءانۇرانى بيىلعى جىلدىڭ قاراشاسىندا حەلسينكيدە «بارىس» - «يوكەريت» حوككەي كوماندالارىنىڭ كەزدەسۋىندە وينالعان ەدى. سونىمەن بىرگە، گروزنىيداعى جارىستا توپ جارعان اۋىر اتلەت يليا يلين مەن حورۆاتياداعى جارىستىڭ جەڭىمپازى، مانەرلەپ سىرعاناۋشى دەنيس تەندى ماراپاتتاۋ كەزىندە دە قولدانىستان شىققان ءانۇران ورىندالعان بولاتىن.

«مەنىڭ قازاقستانىم» ءانى 2006 جىلى ەسكى گيمندى الماستىرعان. مۋزىكاسىن جازعان ءشامشى قالداياقوۆ، ءسوزىنىڭ اۆتورلارى رەتىندە اقىن جۇمەكەن ناجىمەدەنوۆ پەن قازاقستان پرەزيدەنتى نۇرسۇلتان نازارباەۆ كورسەتىلگەن.