جەكسەنبىدە ءبىر بىتىرگەن پايدالى ءىسىمىز بولسا، ول - وسى فيلمگە بارۋىمىز شىعار. سەبەبى، اينالامداعىلار "قۇنانبايدان" كەيىنگى اسەرلەرىن جەتكىزە الماي جۇرگەن. كوپ ەستىگەننەن ءبىر كورگەن ارتىق، راس. ال، ەندى كينو تۋرالى:

ءبىز بىلەتىن قۇنانبايدىڭ بولمىسى مۇندا جوق. قاتاڭ، كەي جەرلەردە وزبىر دەپ سيپاتتالاتىن قۇنانبايدىڭ قالدىعىن دا كورە المادىق. بۇل تيىننىڭ ەكى جاعى بولادى دەگەننىڭ دالەلدەمەسى بولدى. وبراز جاقسى اشىلعان. سەبەبى، ءبىز ادامداردى سىرت كەلبەتىنە، ديدارىنا قاراپ-اق، جامان نە جاقسى دەپ باعا بەرىپ ۇيرەنىپ كەتكەنبىز. ال، وسى ارەكەتىنىڭ سوڭىندا نە جاتىر دەگەن ساۋالدى كوپ قويمايمىز. كينوداعى بىرنەشە كادرلاردان العان تاربيەم وسى بولدى. مەيلى، قودار مەن قامقانى ولىمگە كەسسىن، ءتۇپتىڭ تۇبىندە شاريعات بويىنشا ارۋلاسىن دەپ كەلىسىم بەردى. دەمەك، ىشتەي ونىڭ جۇرەگى جۇمساق، يماندى كىسى بولعانى. ءيا، مۇمكىن وبراز اسىرە جۇمسارىپ كەتكەن شىعار. قازانشىنىڭ ءوز ەركى دەگەننىڭ كەبى دەپ قابىلدادىم. دەسە دە، قازاقتىڭ قانداي بولعانىن كوز الدىما كەلدى. نامىستى، ايبارلى، اۋزىنان اللاسى تۇسپەگەن جانە اسا سابىرلى. بىزدە جوعالىپ بارا جاتقان قاسيەتتەردى كورسەتۋ ارقىلى كورەرمەندى تاربيەلەۋدىڭ ءبىرىنشى پلانعا قويىلعانى قۋانتتى. سالت-ءداستۇر مەن شاريعاتتىڭ ادەمى ۇيلەسىمى ءوز الدىنا بولەك اڭگىمە.