بۇگىن استاناداعى كونرەسس-حول زالىندا «كوڭىل تولقىنى» اتتى كونتسەرتى وتەدى. كەش بارىسىندا قر ەڭبەك سىڭىرگەن ءارتىسى سەكەن تۇرىسبەكوۆتىڭ اندەرى مەن كۇيلەرى ورىندالادى.

استانا قالاسى اكىمدىگى مەملەكەتتىك فيلارمونياسىنىڭ XV كونتسەرتتىك ماۋسىمىنىڭ جابىلۋى 26 مامىردا ساعات 19.00-دە كونگرەسس-حولل كونتسەرت زالىندا وتەدى. 

فيلارمونيانىڭ ۇرمەلى اسپاپتار وركەسترى بەلگىلى قازاقستاندىق جانە شەتەلدىك كومپوزيتورلاردىڭ شىعارمالارىن ورىندايدى.

شىعارماشىلىق ۇجىم رەپەرتۋارىندا ءتۇرلى جانرداعى (كلاسسيكا مەن دجازدان باستاپ حالىق اندەرى، كۇيگە دەيىن) 500 استام شىعارما، 10-نان ارتىق تاقىرىپتىق باعدارلاما بار. 

«سوليستەر شەرۋى»، «كينو مۋزىكاسى»، «ۆەنا مۋزىكاسى»، «جاڭا الەم مۋزىكاسى»، «ديريجەرلار شەرۋى» ەلوردالىق تىڭدارماننىڭ قۇلاق قۇرىشىن قاندىرادى.

سونىمەن قاتار بالالاردى قورعاۋ كۇنىنە وراي 28 مامىردا ساعات 17.00-دە كونگرەسس-حولل كونتسەرت زالىندا «عاجايىپتار الەمىنە ساياحات» مەرەكەلىك كونتسەرتى وتەدى.

قر ەڭبەك سىڭىرگەن قايراتكەرى نۇرلان ءحامزيننىڭ جەتەكشىلىگىمەن «سارىارقا» حالىق اسپاپتارى ءانسامبلى ەسترادالىق ۆوكال ارتىستەرىمەن بىرگە سۇيىكتى بالالار اندەرىن ورىندايدى.

ساحنا تورىندە م.وتەمىسوۆ اتىنداعى وقۋشىلار سارايىنىڭ ۇجىمدارى «التىن ءدان» حالىق بي ءانسامبلى، «دجامبو» ەسترادالىق بي توبى جانە «گۇلداۋرەن» ۆوكالدى ستۋدياسى ونەر كورسەتەدى. 

بۇل تۋرالى astana.gov.kz سايتى حابارلايدى.

اباي-اقپارات