ماسكەۋ: اقش-تىڭ ارەكەتى ۇلتتىق قاۋىپسىزدىگىمىزگە قاۋىپ توندىرەدى
ماسكەۋ قۇراما شتاتتاردىڭ رۋمىنيادا زىمىرانعا قارسى قورعانىس جۇيەسىن قۇرۋى رەسەيدىڭ ۇلتتىق قاۋىپسىزدىگىنە نۇقسان كەلتىرەدى دەپ ەسەپتەيدى.
بۇل جونىندە "ينتەرفاكسكە" رەسەي ءسىم وكىلى ميحايل ۋليانوۆ مالىمدەدى. ول ماسكەۋدىڭ كوزقاراسى بويىنشا اقش ورتا جانە شاعىن قاشىقتىقتاعى زىمىراندار جونىندەگى كەلىسىمدى بۇزعانىن ايتقان.
ەسكە سالا كەتەيىك، 12 مامىردا اقش جانە ناتو وكىلدەرى رۋمىنيادا زىمىرانعا قارسى قورعانىس جۇيەسىنىڭ ءبىر بولىمشەسىنىڭ وپەراتيۆتى تۇردە قۇرىلعانىن مالىمدەيدى. ۆاشينگتوننىڭ مالىمدەۋىنشە، بۇل وداقتاستارىن قاۋىپتەن قورعاۋ ءۇشىن قاجەت.
13 مامىردا اقش پولشا اۋماعىندا زىمىرانعا قارسى قورعانىس جۇيەسىنىڭ ەكىنشى نىسانىن تۇرعىزۋدى رەسمي مالىمدەيدى.
اباي-اقپارات
