كەشەگى جەردى قازاقستاندىقتارعا ساتۋ مەن شەتەلدىكتەرگە جالعا بەرۋ تۋرالى ماسەلە سەناتقا تۇسكەندە، بىردەن قارسى بولعان ەكى سەناتور اعانى ۇمىتپايىق، اعايىن! ونىڭ ءبىرى – قۋانىش ايتاحانوۆ تا، ەكىنشىسى مۇرات باقتيارۇلى!

«بەنزينگە، تىڭايتقىشقا، جەرىن جىرتۋعا اقشا تابا الماي وتىرعان، كرەديت پايدالانىپ وتىرعان شارۋا جەردى مىنانداي تەڭگەگە قالاي ساتىپ الادى؟ بۇل دەگەنىمىز جەردى ءبىز «وليگارحتارعا» بەرەمىز دەگەن ءسوز. بۇكىل قازاقستانداعى جەر ءبىر جيىرما شاقتى، ءجۇز شاقتى «وليگارحتىڭ» قولىندا بولادى اقشاسى بار. ولار ساتىپ الادى ەرتەڭ. قالعان ميلليونداعان شارۋالار جەرسىز قالادى. سولارعا جالدامالى جۇمىسشى بولىپ جۇمىس ىستەيتىن بولادى» دەگەن ەرىڭ – قۋانىش ايتاحانوۆ بولتىن! سەنبەسەڭىز، مىنە: http://astanatv.kz/news/show/id/41823.html?print=1

«جاقسىنىڭ جاقسىلىعىن ايت، نۇرى تاسىسىن!» دەيدى عوي دانا حالقىمىز، مەن بۇگىنگى ولەڭىمدى وسى قۋانىش اعاما ارنادىم.

ارىستان مىنەزدى ازامات

قۋانىش ايتاحانوۆقا

ەكەندىگىن كىم بۇلاق، كىم ءداريا،
المايدى دەپ ويلاما مۇلدە ايىرا!
اعايىننىڭ كەتپەي مە بەرەكەسى،
ءبىر اۋىلدا بولماسا، ءبىر كاريا!

ىزگىلىككە بەرەتىن قىمبات باعا،
وتىراتىن ايتقانىن تىڭداپ قانا،
قالعان كەزدە ابدىراپ ىنىلەرى،
قانداي جاقسى بولعانى، ءبىر جاقسى اعا!

ءتۇرى جامان زاماننىڭ مىنا قىسقان،
جەڭىپ شىعار جۇلقىسىپ شىن الىسقان!
ۇيقى مەڭدەپ الماي ما اڭ بىتكەندى،
گۇرىلدەگەن بولماسا، ءبىر ارىستان!..

قۇتقارام دەپ قازاعىن شەر - كۇيىكتەن،
توسا بىلگەن ۇيتقىعان جەلدى يىقپەن،
كۇندە كورىپ كەلەمىن سەناتتاعى،
مەن قۋانىش اعامدى سول بيىكتەن!

كوتەرۋدەن اۋلاق ول كوپكە بىلەك،
جىلپوستاردان جۇرەدى شەتكەرىرەك!
تاياعاندا ءبىر تىقىر قازاعىنا،
ونىڭ داۋسى شىعادى وكتەمىرەك!

كورسەتۋمەن كەلەدى بىلىكتىلىك،
جىلاعانىن كوردىم مەن كۇلىپ تۇرىپ!
قازاعىنا ءبىر تىقىر تاياعاندا،
ايتۋىنداي ايتادى ول ءتىلىپ-ءتىلىپ!!

شالدار از با ول جاقتا وڭمەڭدەگەن،
جۇمىسى جوق شەرلىمەن، شەرمەندەمەن!
بيلىكتەگى «باتىرلار» ءدال وسىنداي،
ساناسۋى كەرەك قوي كەڭ كەۋدەمەن!!!

قادىر كەتكەن بارىنەن بۇل زاماندا،
شىعاتىندار از، بىلەم، شىنداپ العا!
كەتپەس ەدى جىگىتتەر وماقاسىپ،
وسى اعانى ءبىر ۋاق تىڭداعاندا!

كۇرجيتكەن بوپ جۇرگەنمەن جوتالارىن،
تانىمايدى ەكەن - اۋ بوتا نارىن!
قالماس ەدى ۇياتقا بۇگىنگىدەي،
السا اقىلىن ىنىلەر وسى اعانىڭ!..

اۋىت مۇقيبەك

Abai.kz