بۇگىن الماتى وبلىسىنىڭ اكىمى اماندىق باتالوۆتىڭ توراعالىعىمەن وتكەن وبلىس اكىمدىگىنىڭ وتىرىسىندا ءوڭىردىڭ 2016 جىلعى ءى توقسانىنداعى الەۋمەتتىك-ەكونوميكالىق دامۋ قورىتىندىلارى جانە ءIى توقسانداعى مىندەتتەرى قارالدى.

نەگىزگى باياندامانى وبلىس اكىمىنىڭ ءبىرىنشى ورىنباسارى لاززات تۇرلاشوۆ جاسادى.

بايانداماشىنىڭ ايتۋىنشا، اۋىلشارۋاشىلىق ءونىمىنىڭ جالپى كولەمى - 58,1 ملرد. تەڭگەنى قۇراعان. اۋىل شارۋاشىلىعى داقىلدارىنىڭ ەگىستىك القابى 2015 جىلمەن سالىستىرعاندا 3,4 مىڭ گەكتارعا ارتىپ، 929,6 مىڭ گا جەتتى. كوكتەمگى دالا جۇمىستارى باستالىپ، قاجەتتى ديزەل وتىن، مينەرالدى تىڭايتقىشتار، گەربيتسيدتەر ساتىپ الىندى. بارلىعى 69,4 مىڭ توننا مال جانە قۇس ەتى ءوندىرىلدى، بۇل وتكەن جىلدىڭ سايكەس كەزەڭىنەن 8,5%-كە كوپ.

ونەركاسىپتە 128,1 ملرد. تەڭگەنىڭ، ال وڭدەۋ ونەركاسىبىندە 100,6 ملرد. تەڭگەنىڭ ءونىمى شىعارىلدى. جەرگىلىكتى مازمۇن بويىنشا 5,1 ملرد. تەڭگەگە كەلىسىمشارتتار جاسالدى، ونىڭ مەملەكەتتىك ساتىپ الۋلاردىڭ جالپى كولەمىندەگى ۇلەسى 66,9%-ءتى قۇرادى. جاڭا 7 نىسان ىسكە قوسىلىپ، 5 ءوندىرىستى كەڭەيتۋ ەسەبىنەن قوسىمشا 169 جۇمىس ورنى قۇرىلدى.

شاعىن جانە ورتا بيزنەس تۋرالى ايتا كەلىپ ل. تۇرلاشوۆ 2015 جىلدىڭ سايكەس كەزەڭىمەن سالىستىرعاندا اتالمىش سالا سۋبەكتىلەرىنىڭ سانى 6,6%-كە ارتىپ، 161,5 مىڭ بىرلىكتى قۇراعانىن جەتكىزدى.

«بيزنەستىڭ جول كارتاسى - 2020»، «بالاپان»، «وڭىرلەردى دامىتۋ - 2020»، «تۇرعىن ءۇي كوممۋنالدىق شارۋاشىلىعى» باعدارلامالارىنىڭ ورىندالۋ بارىسى تۋرالى دا بايانداپ، ورىن العان كەمشىلىكتەردى، جۇمىستى دۇرىس ۇيلەستىرە الماي وتىرعان اۋدانداردى اتاپ ءوتتى.

اتقارعان جۇمىستارى جانە الداعى مىندەتتەرى تۋرالى رايىمبەك جانە اقسۋ اۋداندارىنىڭ اكىمدەرى حابارلادى.

ءسوز العان وبلىستىق اۋىل شارۋاشىلىعى باسقارماسىنىڭ باسشىسى س.بەكىشوۆتىڭ حابارلاماسى كوكتەمگى ەگىس ناۋقانىنىڭ بارىسى، داقىلدار ەگۋ، ەت جانە ءسۇت ءوندىرىسى سالاسىنىڭ دامۋى، قانت قىزىلشاسىن ءوسىرۋدى ۇلعايتۋ ماسەلەلەرى جونىندە بولدى. ونىڭ ايتۋىنشا، قازىرگى كەزدە 6350 گا قانت قىزىلشاسى سەبىلگەن، ەگىستىك جۇمىستارى كەستەگە سايكەس جۇرگىزىلۋدە. سونىمەن قاتار س. بەكىشوۆ اقسۋ قانت زاۋىتىن قالپىنا كەلتىرۋ جۇمىستارىنىڭ بەلسەندى اتقارىلىپ جاتقانىن ايتتى.

قۇرىلىس جۇمىستارى ماسەلەسى دە نازاردان تىس قالعان جوق. وبلىستىق قۇرىلىس باسقارماسىنىڭ باسشىسى ت. بەكتاسوۆ بيىلعى جىلعا جانە كەلەسى جىلعا اۋىساتىن بارلىق قۇرىلىس نىساندارى جايلى باياندادى.

جيىن قورىتىندىلاي كەلە وبلىس اكىمى ا. باتالوۆ جالپى بۇگىنگە دەيىن اتقارىلعان جۇمىستى وڭ دەپ باعالاۋعا بولاتىنىن، دەگەنمەن ءالى دە ىسكە قارقىن قوسۋ قاجەتتىگىن اتاپ ءوتتى.

- بارلىق باعىتتاعى جۇمىستاردى جىلدامداتۋ كەرەك. جان-جاقتى جوعارى ناتيجەگە قول جەتكىزۋگە بارلىق مۇمكىندىكتەرىمىز بار. ەڭ باستىسى مەملەكەت باسشىسىنىڭ تاپسىرمالارىن ساپالى ءارى ءتيىمدى ورىنداۋىمىز قاجەت. قازىرگى كەزدە تۇرمىستىق قاتتى قالدىقتاردى جيناقتاۋ مەن وڭدەۋ ماسەلەسىن شەشۋگە كۇش سالۋعا ءتيىسپىز. بۇل ءىستى تالدىقورعاننان باستاۋ كەرەك. گازداندىرۋ دا وتە ىجداھاتتىلىقتى تالاپ ەتەدى. سونىمەن قاتار تاريف ماسەلەسىن شەشۋ دە كۇن تارتىبىندە تۇر. الەۋمەتتىك ماسەلە دە تۇراقتى نازاردا بولۋى ءتيىس. الدا مەكتەپ ەمتيحاندارى، جازعى دەمالىس. ۇبت-نى وتكىزۋ، بالالاردىڭ جازعى دەمالىسىن ۇيىمداستىرۋ باسىم باعىتتىڭ ءبىرى بولۋى كەرەك، - دەدى ا. باتالوۆ.

سونىمەن قاتار ينۆەستيتسيا تارتۋ، مەملەكەتتىك-جەكەمەنشىك ارىپتەستىكتى دامىتۋ ءىسىن جالعاستىرۋ تۋرالى تاپسىرما بەردى. ماسەلەن، بيىلعى جىلى وبلىستا 84 بالاباقشا سالۋ جوسپارلانسا، سونىڭ 75-ءى – مەملەكەتتىك-جەكەمەنشىك ارىپتەستىك نەگىزىندە جۇزەگە اسىرىلماقشى. ءسويتىپ، الماتى وبلىسىنداعى مەكتەپكە دەيىنگى مەكمەلەرمەن قامتۋ دەڭگەيى 87 %-كە جەتەتىن بولادى.

Abai.kz