قازاقستاننىڭ بەس ايماعىندا اۋرۋلاردى باسقارۋ باعدارلاماسىن ەنگىزۋ باستالدى. 2016 جىلدىڭ 5 مامىرىندا استانا قالاسىنداعى  №5 ەمحانادا اتالمىش باعدارلامانىڭ تانىستىرىلىمى ءوتتى. شارا اياسىندا ايماقتاردا بۇل باعدارلامانى ەنگىزۋگە اتسالىساتىن ماماندارعا ارنالعان سەمينار ۇيىمداستىرىلدى. ەكى كۇن بويى دارىگەرلەر، ورتا بۋىن مەديتسينالىق ماماندار، پسيحولوگتار، الەۋمەتتىك قىزمەتكەرلەر، سالاۋاتتى ءومىر سالتى بويىنشا ماماندار باعدارلاماعا قاتىساتىن ناۋقاستارمەن جۇمىس ىستەۋ ادىستەرىن  ۇيرەندى.

 اۋرۋلاردى باسقارۋ باعدارلاماسى قازاقستاندا 2013 جىلى پيلوتتى رەجيمدە ەنگىزىلە باستادى. جوبا سولتۇستىك قازاقستان جانە پاۆلودار وبلىستارىندا جۇزەگە اسىرىلىپ، ارتەريالدى گيپەرتەنزيا، قانت ديابەتىنە شالدىققان، سوزىلمالى جۇرەك مۇكىسى بار  1200 ناۋقاستى قامتىدى.

 جوبا ماقساتى – كلينيكالىق تاجىريبەنىڭ وزىق ۇلگىلەرىن پايدالانۋ جانە ناۋقاستىڭ ءوز دەنساۋلىعىنا جاۋاپكەرشىلىگىن ارتتىرۋ ارقىلى ونىڭ  جاعدايىن جاقسارتىپ، ءومىر ساپاسىن ارتتىرۋ.

 باعدارلاما پاتسيەنتتەرگە مەديتسينالىق قىزمەتكەرلەرمەن بىرلەسە وتىرىپ، ءوزىنىڭ ءحالىن قاداعالاپ، قۇرامىنا تەراپەۆت، ءپروفيلدى دارىگەر، مەيىرگەر، پسيحولوگ، سالاۋاتتى ءومىر سالتى جونىندەگى مامان كىرەتىن مۋلتيديستسيپلينارلىق كوماندا مۇشەلەرىمەن ۇدايى تۇردە ءجىتى قارىم-قاتىناس ورناتۋ ارقىلى اۋرۋدىڭ مەڭدەۋىنىڭ الدىن-الۋعا مۇمكىندىك بەرەدى. پاتسيەنتتەر دەنساۋلىق مەكتەبىنە بارىپ، وزىنە-ءوزى كومەك كورسەتۋگە، دەنساۋلىعىنا زيان فاكتورلاردى باقىلاۋعا ماشىقتانادى.  ولار دەنساۋلىق كۇندەلىگىن جۇرگىزىپ وتىرادى. بۇل ءوز كەزەگىندە دارىگەرگە ناۋقاستىڭ جاعدايىن جان-جاقتى باعالاپ، دۇرىس ەم بەرۋگە كومەكتەسەدى.

 دەنساۋلىق ساقتاۋدى دامىتۋ رەسپۋبليكالىق ورتالىعى جۇرگىزگەن زەرتتەۋلەرگە سۇيەنسەك، بۇل باعدارلاماعا قاتىسقان ناۋقاستاردىڭ حال-جاعدايى ايتارلىقتاي جاقسارعان. ولاردىڭ ىشىندە جۇرەگىنىڭ مۇكىسى بار ناۋقاستاردىڭ اراسىندا  دەنساۋلىعى كۇرت ناشارلاپ، شۇعىل تۇردە اۋرۋحاناعا تۇسكەندەردىڭ سانى 2 ەسەگە ازايعان. ارتەريالدى گيپەرتەنزياعا شالدىققانداردىڭ 75 پايىزىنىڭ قان قىسىمى قالپىنا تۇسكەن. قانت ديابەتىنە شالدىققانداردىڭ 65 پايىزىنىڭ  اناليز كورسەتكىشتەرى رەتتەلگەن.

 جوبا بارىسىندا قول جەتكىزىلگەن وڭ ناتيجەلەر ەسكەرىلىپ، ول 2016-2019 جىلدارعا ارنالعان «دەنساۋلىق» باعدارلاماسىنا ەنگىزىلدى. بيىل  ول ەلىمىزدىڭ تاعى بەس ايماعىندا، استانا قالاسى، الماتى، قاراعاندى، باتىس قازاقستان، قوستاناي وبلىستارىندا ەنگىزىلەدى.سونىمەن قاتار، پاۆلودار جانە سولتۇستىك قازاقستان وبلىستارىندا بۇل تاجىريبەنى تاراتۋ جۇمىستارى جالعاسادى. باعدارلاماعا قاتىساتىن ناۋقاستاردىڭ جالپى سانى 3200-دەن اسادى.

 دەنساۋلىق ساقتاۋدى دامىتۋ رەسپۋبليكالىق ورتالىعى وتكىزەتىن سەمينار بارىسىندا ماماندار ءوز ارىپتەستەرىنىڭ تاجىريبەسىمەن تانىسىپ، ونى  ايماقتاردا ەنگىزەدى.

 اۋرۋدى باسقارۋ باعدارلاماسى كەلەسى ەمحانالاردا ەنگىزىلمەك:

استانا ق:  №5, 8, 10 ەمحانالار.

الماتى ق:    №1, 3, 11 ەمحانالار.

 ورال ق.:  № 1, 3, 4 ەمحانالار.

تەمىرتاۋ ق: №1, 4 جانە  №1 قالالىق اۋرۋحانا جانىنداعى ەمحانا.

قوستاناي ق.:   № 1, 2, 3,4 ەمحانالار. 

پاۆلودار ق:   №1,2,4,5 ەمحانالار.

پەتروپاۆل ق.:   № 1,2,3 ەمحانالار.

Abai.kz