ماكسيم روجيننىڭ قازاق تۋرالى ايتقانىن مەن دە ءبولىستىم. دۇرىس ايتقان، جاقسى ايتقان. بىراق، وعان پىكىر جازۋشىلاردىڭ ونى ءبىر اۋىز ءسوزى ءۇشىن "قازاقتان ارتىق" دەپ ءوز قازاعىڭدى ودان تومەندەتكەنىنە كەلىسە المايمىن.

ءبىزدىڭ قانشاما قازاق ولاردىڭ تىلىمەن سويلەدى، ولاردىڭ تىلىندە ادەبي شىعارمالار جىزىپ كەلدى، ولاردىڭ عىلىمىنا ءالى كۇنگە دەيىن ۇلەس قوسىپ ەڭبەكتەرىن جازىپ كەلەدى. سول كەزدە قاي ورىس مىنا قازاق ورىستان ارتىق دەدى؟ سول سياقتى، قىتايدىڭ، اعىلشىننىڭ، جاپوننىڭ تىلىندە ەركىن سويلەپ، ولاردىڭ ارتىقشىلىقتارى بولسا ايتىپ جۇرگەن، سولارعا قىزمەت جاساپ جۇرگەن قازاقتارىمىز بار. سونىڭ قايسىسىن ولار بىزدەن ارتىق دەدى؟ 

ماكسيم روجيننىڭ قازاق ەلىندە تۋىلىپ، قازاقتىڭ ءدامىن تاتىپ جۇرگەن سوڭ ولاي ايتۋ ونىڭ ازاماتتىق پارىزى. ول تەك اسىمىزدى ءىشىپ، اياعىمىزعا ساڭعىرىپ جۇرگەندەر ءۇشىن عانا ۇلگى بولادى. ماكسيم روجينن سول قانداستارىنا ءوز ۇندەۋىن تاستادى. ال ءبىز ءوز قانداستارمىزدى ودان تومەندەتپەي، ءوزىمىز قاتارىمىزعا قوسۋىمىز كەرەك.

تۇردىبەك قۇرمەتحان

Facebook-تەگى پاراقشاسىنان