دوستوەۆسكيدىڭ ءبىر كەيىپكەرى "ادام جەمە-جەمگە كەلگەندە جەيتىن ناندى تاڭداي ما، الدە ەركىندىكتى تاڭداي ما؟" دەگەن سۇراق قويادى دا، مۇلدە كوپ ساندىسى جەيتىن ناندى تاڭدايتىنىن ايتادى.

ويتكەنى ەركىندىكتى تاڭداۋ، ەركىن كوسىلىپ ەرىكتى بولۋ بۇل اۋىر جاۋاپكەرشىلىك. اسىرەسە قالتاسى تاياز، ەركى ءالسىز ادام ءۇشىن ەركىندىكتى تاڭداۋ سوعىسقا اتتانۋدان دا اۋىر سەزىلەدى. ەركىندىك قالىپتى نارسەلەردىڭ شايقالىپ، ءتۇزۋ جولدىڭ قىڭىرايىپ، جولسىزبەن جول جۇرۋگە تۋرا كەلگەندەي ەلەستەيدى. (ارينە، شىندىق ولاي بولۋماۋى دا مۇمكىن.) ەركىندىك سەبەبىنەن تابان تىرەپ جۇرگەن جەرىڭ ويىلىپ كەتۋى مۇمكىن، دوستارىڭ تۇگەل قاستاسۋى مۇمكىن. ەركىن بولۋ ءۇشىن وتە جوعارى ىشكى كۇش تە كەرەك بولادى.... ءسويتىپ جەيتىن ناندى تاڭدايتىنىمىز انىق. بىراق ول دا وڭاي ەمەس. ول ءۇشىن وتىرىك سويلەۋگە، وتىرىك كۇلۋگە، وتىرىك رەنجۋگە، وتىرىك وكىرەشتەۋگە تۋرا كەلەدى. ادامزات تاريحىنداعى ۇلى ادامداردىڭ از ساندىلار بولىپ كەلەتىنى مىنە وسىعان بايلانىستى.

حايدار ءالپى

Facebook-تەگى پاراقشاسىنان