ەرتۇعرىل اپاكاننىڭ مالىمدەمەسىندە سوڭعى كۇندەرى ءتورت ادامنىڭ مينا اتقىشتاردىڭ قۇربانى بولعانى تۋرالى جازىلعان. ەقىۇ ميسسياسىنىڭ باسشىسى قارۋلى قاقتىعىس پەن ونىمەن بايلانىستى زورلىق-زومبىلىق قايتادان "مازاسىز دەڭگەيگە" كوتەرىلگەنىن ايتادى.

اپاكان مينسك كەلىسىمىن تەك تولىق ءبىتىمدى ساقتاۋ ارقىلى عانا جۇزەگە اسىرۋعا بولاتىنىنا سەنىمدى. ونىڭ پىكىرىنشە، وق اتپاۋ تۋرالى كەلىسىمگە قاتىسۋشى بارلىق تاراپ بۇعان قاتىستى ناقتى قادامدار جاساپ جانە ءبىتىمدى ساقتاۋعا دايىن ەكەنىن ايقىن كورسەتۋلەرى كەرەك.

ۋكراينانىڭ شىعىسى مەن وڭتۇستىگىندەگى قاقتىعىس سالدارىنان سەپاراتيستەر مەن ۇكىمەت اسكەرى سوعىسىپ جاتقان 2014 جىلدىڭ كوكتەمىنەن بەرى 9 100-دەن استام ادام قازا تاپتى، تاعى 21 مىڭى جارالاندى.

اباي-اقپارات