2014 جىلى 10 ناۋرىز  كۇنى قازاقستان رەسپۋبليكاسىنىڭ ازاماتشاسى تۇرلىباي اقجارقىن
مالايزيادان «ەسىرتكى تاسىمالدادى» دەگەن كۇدىكپەن قىتاي شەكاراسىندا ۇستالعان-دى. Cول اقجارقىننىڭ 2 جىلدان بەرى  قورعاۋشىسى كىم بولىپ كەلە جاتقانىن كوپ ەل بىلە بەرمەيدى.

وسى ماقساتتا اقجارقىننىڭ əكەسى ەرعالي جəنە اناسى زۋحرامەن تەلەفون ارقىلى سويلەسىپ، ءوز اۋىزدارىنان ادۆوكات س. نۇرماعانبەتوۆ تۋرالى وتە جاقسى وي-پىكىرلەرىن ەستىپ، زاڭگەردىڭ ناعىز ازاماتتىق ىسىنە قاتتى ريزا بولدىم.

كىم بولسا دا، مەيلى ول ۇلكەن، نە كىشى بولسىن، ونىڭ جاقسىلارى، جايساڭدارى جانە جاقسى ىستەرى بولادى عوي. ەل ازاماتتارىنىڭ جاقسى قاسيەتتەرىن ءسوز ەتۋ قانداي عانيبەت! 

 "جاقسىنىڭ جاقسىلىعىن ايت، نۇرى تاسىسىن" دەمەكشى الماتى قالاسىنىڭ تۇرعىنى،  حالىقارالىق دəرەجەدەگى كəسىبي بىلىكتى ادۆوكات  سۇڭقار نۇرماعانبەتوۆتىڭ ازاماتتىق ءىسىن ايرىقشا اتاپ وتكىم كەلەدى. ۇلتجاندى، جاس جىگىت سۇڭقاردىڭ ۇلگى-ونەگەسى وزگەگە ساباق بولسا ەكەن دەيمىن.  اقجارقىن اتا-اناسىنىڭ ايتۋى بويىنشا، وقيعانى ەستىگەننەن كەيىن قىزدارىنا  جاقسى زاڭگەر ىزدەگەن. الدىمەن ءبىر ادۆوكاتقا جولىققان،  بىراق ول كوپ مولشەردە اقشا سۇراعان. ول ادامنان باس تارتقاسىن،  تانىستارى "وتە ءبىلىمدى، اعىلشىن ءتىلىن جەتىك بىلەتىن، اتا-əجە تəربيەسىن كورگەن يماندى نۇرماعانبەتوۆ سۇڭقار ەسىمدى ادۆوكات بار، سوعان جولىعىڭدار" دەپ كەڭەس بەرگەن. كەيىن سۇڭقارعا بارىپ قىزىنىڭ جاعدايىن جəنە ادۆوكاتتىق قىزمەتكە تولەۋ ءۇشىن قارجىلىق جاعىنان قينالىپ جۇرگەندەرىن ءتۇسىندىرىپ  ايتقان. سۇڭقار ءىنىم نامىستانىپ، "قازاق قىزدارىن شەت جەرگە تاستاتپايمىن، اقجارقىندى الىپ شىعۋ ءۇشىن بار كۇشىم مەن ءبىلىمدى سالامىن،  ازاماتتىق ۇستانىممەن تەگىن كومەك كورسەتەمىن" دەگەن. وسى ءسوزىن ەستىگەن ولار قاتتى قۋانىپ،  ء"تۇسىمىز بە، ءوڭىمىز بە تۇسىنبەي قالدىق" دەيدى.  قىتاي ەلىنىڭ ادۆوكاتىنا عانا اقشا تولەگەندەرىن ايتادى.ء بىر ەڭبەكاقىعا قاراپ وتىرعاسىن، وتباسىلىق جاعدايىمىزدى ءتۇسىنىپ، سۇڭقار نۇرماعانبەتوۆ ءتىپتى ءوز قارجىسىنا قىتاي ەلىنىنىڭ  گۋانچجوۋ قالاسىنا بىرنەشە رەت بارىپ،  2 جىلدان بەرى قىزىمىزدى سوت پروتسەسىندە قورعاپ ءجۇر دەيدى. سۇڭقار ءبىزدىڭ وتباسىنىڭ ءبىر مۇشەسى جəنە  تۋعان ىنىمىزدەي بولىپ كەتتى. وسىنداي ۇلدى ومىرگە əكەلگەن اتا-اناسىنا جəنە تəربيەلەگەن  اتاسىنا كوپ راقمەت. اتاسى كوپتى كورگەن، قايىرىمدى اقساقال ەكەن، "تەگىن كومەك بەرسەڭ، ول ءتۇبى اللادان ىرىس-بەرەكەمەن وزىڭە قايتادى" دەپ نەمەرەسىنە اقىل-كەڭەسىن بەرگەنىن ايتادى. قازىرگى زاماندا شەتەلدى ايتپاي-اق، ءوز ەلىمىزدە ۇلكەن قىلمىستىق ىسكە قاتىسۋ ءۇشىن ادۆوكاتتار ەڭ كەمى - ءبىر-ەكى ميلليون تەڭگەدەن باستاپ سۇرايدى.

ال ەندى əلەم بويىنشا زاڭى وتە قاتال قىتايدىڭ سوتىنا بارىپ قاتىسۋ،  بارىپ-كەلۋ مەن ۋاقىتشا ورنالاسۋ قانشاما قارجى مەن شىعىندى قاجەت ەتەتىنىن بىلەسىزدەر. سۇڭقاردىڭ نارىق زاماندا اقجارقىن قارىنداسىمىزعا  بەرگەن تەگىن كومەگى ەرلىكپەن بىردەي. اقجارقىنقا قاتىستى سوت ۇكىمى جاقسى جاعىنان شىعىپ،  ەلگە تەزىرەك ورالسىن! سۇڭقارداي جانى جومارت، يمانى مىقتى ازاماتتار كوپ بولسىن!

تالعات قاتاۋوۆ

Abai.kz