رەسەي قىرىم تاتارلارىنىڭ مەجىلىسىنە تىيىم سالدى
رەسەيدىڭ ادىلەت مينيسترلىگى قىرىم-تاتار حالقىنىڭ مەجىلىسىن ەكسترەميستىك ۇيىمدار تىزىمىنە قوسىپ، ونىڭ جۇمىسىنا تىيىم سالدى. مەكەمەنىڭ رەسمي سايتىندا بۇل شەشىمدى اننەكسيالانعان قىرىمنىڭ پروكۋرورى ناتاليا پوكلونسكايانىڭ قاۋلىسى نەگىزىندە قابىلداعانى ايتىلعان.
الدىن Amnesty International حالىقارالىق قۇقىق قورعاۋ ۇيىمى پوكلونسكايانىڭ قىرىم- تاتار حالقىنىڭ مەجىلىسى قىزمەتىن توقتاتۋ جونىندەگى شەشىمىن سىنعا الىپ، از عانا حالىقتىڭ قۇقىعىن بۇزىپ وتىر دەپ مالىمدەگەن. قىرىم-تاتار حالقىنىڭ وكىلدەرى قىرىم پروكۋرورىنىڭ شەشىمىن "قىلمىس" دەپ باعالايدى.
قىرىم تاتارلارى قىرىمدا تۇراتىن ەكى ميلليون حالىقتىڭ 15 پايىزىن قۇرايدى. ولاردىڭ دەنى رەسەيدىڭ 2014 جىلى ايماقتى اننەكسيالاۋىنا قارسى شىققان.
اباي-اقپارات
