گۋليستون قالاسىنىڭ سوتى 28 جاستاعى راۆشانا ميرحودجاەۆانى سيرياداعى قاقتىعىس ايماعىنا قاتىسۋعا نيەتتى بولدى دەپ 12 جىلعا باس بوستاندىعىنان ايىردى. بۇل كەلىنشەك وسىعان دەيىن تۇنگى كلۋبتاردىڭ بىرىنشە ءبيشى بولىپ جۇمىس ىستەگەن.

سۋديا نارگيس يودگورزودانىڭ ايتۋىنشا، الدىن مينسك اۋەجايىندا سوتتالۋشىنىڭ كۇيەۋى ناۆرۋزشو گاللابونوۆ ۇستالىپ، ونى تاجىكستانعا ەكستراديتسيالاعاننان كەيىن 14 جىلعا سوتتالعان.

ءىس بويىنشا، 2012 جىلى راۆشانا حۋدجاندا قالاسىنداعى تۇنگى كلۋبتاردىڭ بىرىندە ءبيشى بولىپ ىستەپ جۇرگەن كەزىندە ناۆرۋزشومەن تانىسىپ، بىرگە تۇرادى. كەيىن ولار سيرياعا بولەك-بولەك كەتۋدىڭ جوسپارىن قۇرادى. راۆشانا ميرحودجاەۆا دۋشانبەدەن ستامبۋلعا ۇشپاق بولادى. بىراق كۇيەۋىنىڭ مينسكىدە ۇستالعانى جونىندە SMS العاننان كەيىن، بيلەتىن وتكىزەدى.

سوگدانىڭ قۇقىق قورعاۋ ورگاندارىنىڭ مالىمەتى بويىنشا، سوڭعى جىلدارى وبلىستا 600 ادام ەكسترەميزمگە قاتىسى بار دەپ ۇستالعان. ولاردىڭ ءجۇزى بيىلعى جىلدىڭ العاشقى توقسانىندا ۇستالعان.

اباي-اقپارات