Cينگاپۋر ەلىنىڭ  كوسەمى لي كۋان يۋ -ءدىڭ  (كوپ جىل پرەمەر-مينيستر بولعان) ورىسشا اۋدارىلعان ءوز كىتابىندا: 

"ەل باسقارعاندا مەنىڭ الدىمدا ەكى جول تۇردى:

1. وتباسىم مەن تۋىستارىمدى بايىتىپ، فوربس تىزىمىنە ەنۋ.

2. حالقىمنىڭ جاعدايىن تۇزەۋ.

مەن ەكىنشىسىن تاڭدادىم دەگەن.

قانداي كەرەمەت ەلجاندىلىق، يماندىلىق. بۇل تەك ونىڭ قۇر ءسوزى ەمەس ەدى. لي كۋان يۋ ەل تىزگىنىن قولىندا العاسىن  سينگاپۋردە ەڭ الدىمەن پاراقورلىق پەن جەمقورلىققا قارسى اياۋسىز كۇرەس جۇرگىزىپ، نəتيجەسىندە از عانا ۋاقىت ىشىندە،  قوعامعا قاۋىپتى دەرتتى ءتۇپ-تامىرىمەن جويىپ جىبەرگەن.  بۇل جولدا لي كۋان يۋ-ءدىڭ ءوزى تىكەلەي ۇلگى كورسەتىپ، زاڭدى بۇزعان ەڭ جاقىن تۋىستارى مەن دوستارىن دا اياماعان. "باسقالاردان ادالدىقتى، ءتارتىپتى تالاپ ەتۋ ءۇشىن باسشىنىڭ ءوزى تازا بولۋى كەرەك" دەيدى كىتابىندا.  سوندىقتان دا ول ءوزى بيلىك باسىندا تۇرعاندا  بارلىق جەڭىلدىكتەردەن، قىزمەتتىك كولىكتەن جانە قىزمەتشىلەردەن باس تارتقان. مۇندا كەز كەلگەن ۇكىمەت مۇشەسى وزىنە ءۇي نە جەر ۋچاسكەسىن پرەمەر-ءمينيستردىڭ رۇقساتىمەن عانا الا الادى. ەكونوميكادا ءبارى اشىق، كاسىپكەرلىكپەن اينالاسۋ بارىنشا وڭايلاتىلعان.

پاراقورلىقتىڭ جولىن كەسۋ ماقساتىندا مەملەكەتتىك قىزمەتشىلەر مەن سۋديالارعا وتە جوعارى جالاقى تولەنگەن. ال، ءبىزدىڭ ەلىمىزدە 25 جىل بويى، سول ءبىر جەمقورلىق پەن پاراقورلىق ءəلى كۇنگە دەيىن كۇن تارتىبىنەن تۇسپەي كەلەدى. كوبەيمەسە، ازايماعانى انىق.  سىبايلاستىق جەمقورلىققا قارسى əر  ءتۇرلى زاڭدار شىقسا دا جəنە مەملەكەت قاۋىپسىزدىگىنە زيان دەرتپەن كۇرەسەتىن əر سالالى قىزمەتتىك قۇرىلىمدار قۇرىلسا دا جəنە ونى  جويۋ ءۇشىن ۇزاق مەرزىمدى باعدارلامالار جاسالسا دا "باياعى جارتاس-سول جارتاس" بولىپ وتىر. بىزدە مەملەكەتتىك قىزمەتكەرلەر مەن سۋديالاردىڭ جالاقىسىن وسىرسە دە، كەيبىرەۋلەردىڭ كوزدەرى ءəلى دە تويماي حالىق قازىناسىنا قول سالىپ، مەملەكەت دامۋىنا كەدەرگى كەلتىرىپ وتىر.

ءبىر عانا مىسال: 2013 جىلى «استانا ەكسپو - 2017» ۇلتتىق كومپانياسى» اكتسيونەرلىك قوعامىنىڭ باسقارما توراعاسى قىزمەتىنە تاعايىندالعان تالعات  امانگەلدىۇلى  ەرمەگياەۆتىڭ ايلىق جالاقىسى - ءبىر ميلليون التى ءجۇز مىڭ تەڭگە (1 600 000 ملن) بولعان. اقشاعا ارانى تويماعان ت. ەرمەگياەۆ مەملەكەت اقشاسىن ۇرلاپ، نəجيجەسىندە تۇتقىندالىپ، قىلمىستىق ءىس ءجۇرىپ جاتىر. قۇداي ساقتاسىن اۋىلدا كۇنىن əزەر كورىپ وتىرعان ادامدار، جۇمىسسىزدار جəنە كۇندەرى 1 سيىر مەن 5 قوي مەن 5 تاۋىققا قاراپ وتىرعان قازاعىم قالاي ءجۇر ەكەن.

قازاقستاننىڭ بيلىكتەگى باسشىلارى وسى لي كۋان يۋ-ءدى وزدەرىنە ۇلگى تۇتىپ، ونىڭ تاجىريبەدەن وتكەن ىزگى ءىسىن ەلىمىزگە ەنگىزسە عوي شىركىن! وندا مىقتى دا قۋاتتى مەملەكەت بولاتىن ەدىك. Əلەمدەگى وزىق  30 ەلدىڭ  ەمەس، 10 ەلدىڭ قاتارىنا باياعىدا كىرەر ەدىك. 

تالعات قاتاۋوۆ، ورال قالاسى

Abai.kz