تورەعالي تورەالى تاعى دا اۋرۋحاناعا ءتۇستى. ول قيىن جاعدايدا امان قالعانىن جىر شۋماقتارىمەن جەتكىزدى. سونداي-اق، تىڭدارمانىنان وزىنە قولداۋ تىلەدى،-دەپ جازادى stan.kz پورتالى.

بۇل تۋرالى ءانشى  Instagram toregalitoreali پاراقشاسىندا جاريالادى.

مەن ءوزى قاندايمىن؟

بەرمەسە المايمىن

شاقىرماي بارمايمىن!

بىرەۋگە كۇندەيمىن

بىرەۋگە ايدايمىن

بىرەۋگە جاناشىر

بىرەۋگە جاۋدايمىن،

ەشكىمگە اقتالىپ

ەشتەڭە سالمايمىن،

سوسىن مەن ايەلمەن

سوعىسا المايمىن!

تىلەكتەس اعايىن

سەندەرمەن تاۋدايمىن

سەندەرمەن لاۋلايمىن

سەندەرسىز جارقىراپ

جۇلدىزداي جانبايمىن!

قولداۋشىم سەن بار دا

قورعاۋشى ەل بار دا

مەن ءالى قىرانداي

كوگىمدە سامعايمىن!

قازاعىم قايعىرسا

اي قاراپ قالمايمىن،

تەكسىزدەن تۋعام جوق

تەگىمنەن اۋمايمىن!

ەڭبەكتىڭ جولىندا

ەشقاشان تالمايمىن،

ءانىمدى بارىمدى

حالقىما ارنايمىن!

سۇراساڭ سەبەبىن

ءوزىمدى سەزەمىن

سوندىقتان سوندايمىن!!!

كىم پىكىر جازباي جاتىر نە دەپ ماعان،

جانىما جاقىن تارتىپ كەرەكتى الام.

اۋرۋxانا ىشىندە اۋىر اۋرا

بولەك الەم، بىلگەنگە بولەك عالام.

ءبىر قيىن جاعدايدان امان قالدىم

بولماسا بولنيتساعا نە دەپ بارام؟

كۇلەتىندەر بار ەكەن ەزۋ تارتىپ

مەن ولارعا ىشىمنەن ەە دەپ قالام)

اينالايىن اعايىن جارىم ىرىس

جاقسى ءسوز ايتىڭدارشى دەمەپ ماعان.

اۋەلى اللا جەبەۋشىم سودان كەيىن

سەندەردىڭ دۇعالارىڭ كەرەك ماعان! – دەپ ءوتىندى ءانشى تىڭدارمانىنان.

Abai.kz