پۋتين "ىڭعايسىز" سۇراقتارعا جاۋاپ بەرمەك
14 ساۋىردە رەسەي پرەزيدەنتىنىڭ ەل تۇرعىندارىنىڭ سۇراقتارىنا جاۋاپ بەرۋىنە ارنالعان ءداستۇرلى «ۆلاديمير پۋتينمەن تىكەلەي بايلانىس» ۇيىمداستىرىلادى.
وتكەن ەكى اپتانىڭ قورىتىندىسى بويىنشا پۋتينگە قويىلۋى مۇمكىن ەڭ وتكىر سۇراقتاردىڭ ءتىزىمى مىنانداي: "پاناماگەيت" جۋرناليستىك زەرتتەۋلەرىندەگى رەسەيلىك پرەزيدەنتتىڭ دوستارى وفشوردا تىققان ەكى ميلليارد دوللار شىن مانىندە وعان تيەسىلى مە; جانە تەك پۋتينگە باعىناتىن ۇلتتىق گۆارديانىڭ قۇرىلۋى ول توڭكەرىستەن قورقادى دەگەندى بىلدىرە مە؟
ءبىرىنشى سۇراققا پرەزيدەنت بۇعان دەيىن جارتىلاي جاۋاپ بەردى دەۋگە بولادى. پۋتين "پانامالىق قۇجاتتا" ەسىمىنىڭ اتالمايتىنىن مالىمدەدى جانە بۇل قۇجاتتاردان جەمقورلىقتىڭ ءىزىن دە بايقامايتىنىن ايتتى.
جۋرناليستەرمەن تىلدەسكەن پۋتين: "رەسەي پرەزيدەنتىنىڭ ءبىر دوسى بار ەكەن، ول ءبىر جەردە بىردەڭە ىستەپتى، مۇمكىن جەمقورلىقپەن اينالىسقان شىعار... دەپ جازادى. قانداي؟ ەشقانداي، ويتكەنى ول جەردە ەشتەڭە جوق",- دەگەن بولاتىن.
اباي-اقپارات
