قازاقستاندا سۋ تاسقىنىنان مىڭعا جۋىق ادام كوشىرىلەدى
قازاقستان ءىىم توتەنشە جاعدايلار كوميتەتى بۇگىنگە دەيىن اقمولا، سولتۇستىك قازاقستان، اقتوبە جانە قوستاناي وبلىستارىنداعى 43 ەلدى مەكەننىڭ سۋ استىندا قالعانىن حابارلادى.
سۋ تاسقىنى باستالعالى بەرى 513 تۇرعىن ءۇي جايلارىن سۋ باسقان، تاعى 201 ءۇي ءالى سۋدا تۇر دەگەن حابار بار. اۆتوكولىك جولدارىنىڭ 190 بولىگىن سۋ باسقان جانە شايىپ كەتكەن، ەكى كوپىر سۋعا كەتكەن. توتەنشە جاعدايلار ايماعىنان 961 ادام كوشىرىلگەن، ونىڭ 464-ءى قازىر ۇيلەرىنە ورالعان، 468 ادام تۋىستارىن پانالاۋدا جانە 29 ادام ەۆاكۋاتسيا بەكەتتەرىندە تۇرىپ جاتىر. .
توتەنشە جاعدايلار كوميتەتى توتەنشە جاعداي ايماقتارىندا ۋاقىتشا قورعانىش دامبالارى تۇرعىزىلعانىن، ەرىگەن قار سۋىن ارنايى تەحنيكا كومەگىمەن سورىپ الىپ جاتقاندارىن حابارلايدى.
اباي-اقپارات
