توپتاماعا تاجىكستان كوشباسشىسى ەمومالي راحمون تۋرالى جازىلعان 2 256 پۋبليتسيستيكالىق جانە كوركەم شىعارمالار ەنگەن. ولاردىڭ ىشىندەگى ەڭ كونەسى 1994 جىلى جارىق كورىپتى.

جيناقتى تاجىكستان ۇلتتىق كىتاپحاناسى ديرەكتورىنىڭ ورىنباسارى شاريف كوميلزودا جاساعان. " بۇل پوەزيا ءبىزدىڭ اقىنداردىڭ پرەزيدەنتكە ادالدىعى مەن ماحابباتىن كورسەتەدى. بۇل ولەڭدەر پرەزيدەنت وقۋشىلارمەن كەزدەسكەندە ءجيى وقىلادى. وسى ولەڭدەرگە ارتىنشا اندەر جازىلىپ، تەلەۆيزيا مەن راديودا ورىندالادى.", - دەدى ول.

كىتاپتىڭ العىسوزىندە پرەزيدەنتتىڭ كومەكشىسى، اكادەميك ابدۋدجاببور راحمونزودا بۇل شىعارمالاردا ۇلت كوشباسشىسىنىڭ ءيميدجى قالاي اشىلعانىنا باعا بەرگەن.

بۇل كىتاپ تاجىك پرەزيدەنتى تۋرالى شىعارمالاردىڭ ەكىنشى جيناعى بوپ تابىلادى. ءبىرىنشى توپتاماعا پرەزيدەنت تۋرالى جازىلعان 5 مىڭنان استام كىتاپ پەن راحموننىڭ ءوزىنىڭ ءتول تۋىندىلارى جيناقتالعان.