تاۋلى قاراباقتاعى جانجال تۋرالى بۇرمالانعان اقپاراتتار تاراتقان رەسەيلىك باق وكىلدەرىن ءازىربايجان ۇكىمەتى ەلدەن قۋىپ شىققان.

ازىربايجاندىق «Oxu.Az» پورتالىنىڭ مالىمەتتەرىنە سۇيەنسەك، تاۋلى قاراباقتاعى جانجالدار تۋرالى بىرجاقتى جانە شىندىققا جاناسپايتىن اقپارات تاراتقان «LifeNews ارناسىنىڭ تىلشىلەرىن ەلدەن قۋىپ شىققان.

بۇل تۋرالى ءازىربايجان رەسپۋبليكاسىنىڭ سىرتقى ىستەر ءمينيسترى حيكمەت گادجيەۆ مالىمدەگەن.

گادجيەۆتىڭ ايتۋىنشا، رەسەيلىك ارنالار قارۋلى قاقتىعىستار ءجۇرىپ جاتقان ءازىربايجان تەرريتورياسىندا اككرەديتاتسياسىز اقپارات تاراتۋمەن، مالىمەتتەردى بۇرمالاۋمەن جانە پروۆوكاتسيالىق ماتەريالدار جاساۋمەن اينالىسقان.

ەستەرىڭىزدە بولسا، ءبىز وسىنىڭ الدىندا قاراباقتاعى جانجالدارعا قاتىستى ماقالا جاريالاعان بولاتىنبىز (http://abai.kz/post/view?id=7377).

وندا تاۋلى قاراباقتاعى ارمەنيا مەن ءازىربايجان اراسىنداعى جانجالدىڭ ۋشىعۋىنا رەسەي مۇددەلى ەكەندىگى ايتىلعان. اسىرەسە، رەسەيلىك باق-تىڭ دەزينفورماتسيالىق ساياساتى ءام رەسەيلىك پروپوگاندا ءداپ-ءدال ۋكراينا جانجالدارىن ەسكە ءتۇسىرۋى مۇمكىن ەكەندىگى ايتىلعان.

مىسالى، قاراباق جانجالدارىندا رەسەيلىك باق-تىڭ دا ءرولى باسىم ەدى. قاراباق جانجالى قايتا تۇتانعان سەنبىنىڭ تۇنىندە  رەسەيلىك باق قاراباقتا جۇرگەن ەدى (قانداي جولمەن جانە قالاي سوعىس وشاعىندا رەسەيلىك باق جەتتى بەلگىسىز). ديزينفورماتسيالىق ساياساتتى جاقسى ۇستانعان رەسەيلىك باق رەسەيلىك پروپوگاندانى ناسيحاتتاۋعا كىرىستى. دالىرەك ايتساق، قاراباقتاعى قاقتىعىستارعا اقش پەن ەردوعاندى كىنالاۋ باستالدى. بۇل ءوز كەزەگىندە ۋكراينا داعدارىسىن ەسكە تۇسىرەدى.

ال كەشە رف دۋماسىنىڭ دۇمشە دەپۋتاتى جيرينوۆسكي ارمەنيا مەن ءازىربايجان اراسىنداعى جانجالداردى رەتتەۋ ءۇشىن رەسەي قك كومەگى كەرەك ەكەندىگىن ايتىپ دۋما مىنبەرىندە سويلەگەن.

Abai.kz