ەس بىلگەلى جاز جايلاۋدا، قىس قىستاۋدا ءوستىم. اتا اجەمنىڭ قولىندا كۇبى ءپىسىپ، شيشا ءسۇرتىپ الاڭسىز التى جاسقا دەيىن ءجۇردىم... جايلاۋعا "سىرت" دەگەن جەرگە ارتىنىپ-تارتىنىپ كوشەتىنبىز، بارعاننان قويشىلاردىڭ ء"بىر شاۋگىم ءشايلارى" باستالاتىن.

قاتار قاتار تىزىلگەن كيىز ۇيلەردەگى بالالارمەن ارقا-جارقا ارالاسىپ، ءبىر ۇيگە قونىپ جۇرە بەرەتىن ەدىك. سول كورشىلەردىڭ بارلىعىن تۋىس دەپ ويلايتىنمىن، ولاردىڭ بىزگە ء"ۇش قايناسا سورپامىز قوسىلمايتىنىن" ەس كەلە بىلدىك قوي. ەشكىم دە قۋمايتىن، شەتتەتپەي ءوز بالاسىنداي قاراپ، قامقور بولعان قاراپايىم قازاعىم اي... قازىر مۇلدە بولەك الەم...

شامنىڭ شيشاسى - دەفيتسيت! جايلاۋعا ءۇش شيشا ساتىپ اپارىپ، سولاردىڭ قاۋىپسىزدىگىن قىزعىشتاي قوريتىنبىز. شيشانى سىندىرساڭ قاتاڭ جازاعا ۇشىرايسىڭ، تاياقتى جاقسىلاپ جەيسىڭ... شيشا سىندى دەگەنشە - قاراڭعىلىق باستى دەگەيسىڭ... اۋىلدان "اپتالاپكى" كەلگەنشە كەش باتا سالىسىمەن شيشا سىندىرعانىڭ ءۇشىن جازالانىپ،ءسوز ەستىپ وتىراسىڭ. ال ول "اپتالاپكىسى" تۇسكىر ايىنا ءبىر-اق رەت سۇيرەتىلىپ ارەڭ جەتەدى عوي... جول جونەكەي جەتكەنشە بىزگە كەرەك تاۋارى تاۋسىلىپ تا قالۋى مۇمكىن...

اي سايىن كەلەتىن اۆتومونشا دا ەسىمدە... ەكى-ءۇش بولمەلى، سىرتىنان وت جاعاتىن مونشا ماشينەگە قىزىعىپ اينالشىقتاپ شىقپايتىنبىز... 

ارنايى كەلەتىن كينو دا ءبىر تاڭقالارلىق كورىنىس بولاتىن... الىس جاقىنداعى قويشىلار جيىلىپ كەلىپ، اپپوووق بولىپ ىلىنگەن پوستەلدىڭ (اپامدار سەيسەپ دەيتىن) الدىنا جايعاساتىن، دىرىلداپ بارىپ قوسىلىپ، كادىمگى ۇلكەن ەكرانعا اينالاتىن. "كينوداعى ادامدار سول ەكراننىڭ ارتىنان شىعىپ جاتىر" دەگەن ويمەن، كينو قويۋشى اعالارىمىزعا مازا بەرمەي ىلىنگەن "سەيسەپتىڭ" ارتىنا تۇرا جۇگىرەتىنىمىزدە ەسىمدە قالىپتى...

اپا-اجەلەرىمىزدىڭ كيىز باسىپ، بىلەكتەگەندەرى... الابوتا قايناتىپ "بۇزاۋشىق" دەگەن سابىن جاساپ شىعاراتىندارى، ءجۇن ءيىرىپ، قۇراق قۇرايتىندارى كوز الدىمدا... نەتكەن قايراتتى دا، جىگەرلى جاندار ەدى شىركىن...

تاۋدا وسكەن راۋعاشتىن ءدامى ءالى كۇنگە اۋزىمنان كەتپەيدى، الۋان ءتۇرلى گۇلدەردى كورىپ قايسىسىن جۇلارىڭدى بىلمەي ەسىڭ شىعاتىن... 

"جاپان كوبەلەك، جاپان كوبەلەك", "قون كوبەلەك قون كوبەلەك" دەپ كوبەلەكتەردى قۋالاپ ءجۇرىپ ۇستاپ الىپ، قوس قاناتىن جۇلىپ، قوي قىلىپ باعاتىنبىز... قاناتىن تابانىمىزعا جاعىپ، "جۇيرىك بولامىن" دەپ ىرىمدايتىنبىز...

بارىنەن دە كەرەمەتى ءسۇت تارتقان تاباقتىڭ ماڭىزىن جالاۋ، ونى جالاۋ ءۇشىن تەر توگىپ ەڭبەك ەتىپ، ءسۇت تارتاتىنبىز... ءار قايسىسىمىز ءجۇز رەتتەن كۇبى ءپىسىپ بارىپ قىمىز ىشەتىنبىز... ەڭبەكپەن كەلگەن ناننىڭ ءتاتتى بولاتىنىن دا سانامىزعا بالا كەزدەن قۇيعان ەكەن عوي، ۇلكەندەرىمىز... ال قازىر دايىن اسقا تىك قاسىق بولاتىنداردىڭ قاراسى كوووپ...

كەشقۇرىم اتامىز پەشتىڭ تۇبىندە جانتايەەەپ جاتىپ، قوڭىر دومبىراسىن كۇمبىرلەتىپ قويىپ قۇلاقتىڭ قۇرىشىن قاندىرىپ، ءانىن سالىپ، كۇيىن شەرتىپ ءتاتتى ۇيقىعا باتىرىىىپ جىبەرەتىن....

مۇنىڭ ءبارىن جازىپ وتىرعانداعى سەبەبىم: كەشە ءتۇس كوردىم، تۇسىمە بالالىق بال شاعىم كىردى، وسى الەمدە ءجۇر ەكەنمىن، باقىتتىمىن... ويانىپ كەتكەنىمە قاتتى رەنجىدىم... كوزىمدى قايتا جۇمدىم، بىراق قايتا ول الەمگە بارا المادىم...

پىسى: سونداعى تۇيگەن ويىم ءار ۋاقىت وتە ماڭىزدى، ءوز ورنەگىمەن باعالى جانە قۇندى ەكەن... بۇگىننىڭ قادىرىن بىلمەسەڭ ەرتەڭگى كۇنىڭ وكىنىشپەن وتەدى ەكەن... ءار ءساتتىڭ، ءار ادامنىڭ، ءار ءىستىڭ قادىرىن بىلگەن ءجون ەكەەەەن...

ايناش الديبەكوۆا

Facebook-تەگى پاراقشاسىنان