رەسەيدىڭ ۆيتسە-پرەمەرى دميتري كوزاك ۋكراينانىڭ وڭتءۇستىك-شىعىسىنداعى ءوءزىن-ءوءزى جاريالاعان دحر مەن لحر رەسپۋبليكالارىن باسقارۋعا قاتىسى بارى تۋرالى اقپاراتتى جوققا شىعاردى.

كرەملدىڭ رەسەيدەن باسقا وسىنداي وڭىرلەردى استىرتىن باسقاراتىنى تۋرالى نەمىستىڭ Bild باسىلىمىندا جاريالانعان. باسىلىمنىڭ سايتىندا جۋرناليستەردىڭ ۋكرايناداعى سەپاراتيستىك وڭىرلەردى باسقارۋدىڭ جولدارىنا بايلانىستى زەرتتەۋلەرىنىڭ ناتيجەسى جاريالانعان. اتاپ ايتقاندا، مەملەكەتتىك دۋماداعى دونەتسك جانە لۋگانسك وبلىستارىنىڭ وڭتۇستىك-شىعىس اۋداندارىنداعى تۇرعىندارعا گۋمانيتارلىق كومەك كورسەتۋ تۋرالى ۆەدومستۆوارالىق كوميسسيا وتىرىسىنىڭ حاتتاماسىنا سىلتەمە جاسالادى. قۇجاتتا دحر مەن لحر-دى باسقارۋدى بەس رەسەيلىك مينيسترلىكتە قۇرىلعان التى جۇمىس توبىنىڭ ءوزارا ءبولىپ العانى كورىنەدى.

كولەڭكەلى ۇكىمەت قۇرامىنا كىرەتىندەردىڭ اراسىندا ۆيتسە-پرەمەر دميتري كوزاك جانە ەكونوميكالىق دامۋ مەن قارجى مينيسترلەرىنىڭ ورىنباسارلارى – سەرگەي نازاروۆ پەن لەونيد گورنين بار. باسىلىم كولەڭكەلى ۇكىمەتتىڭ جۇمىسىن فەدەرالدى قاۋىپسىزدىك قىزمەتى باقىلايتىنىن جازادى.

Abai.kz