ماسكەۋ. 25 ماۋسىم. قازتاگ - ۇلى وتان سوعىسىنداعى جەڭىستىڭ 65 جىلدىعى مەرەكەلەنەتىن جىلى قازاقستاننىڭ رەسەيدەگى ەلشىلىگى رجەۆ تۇبىندەگى شايقاستاردا قازا تاپقان قازاقستاندىقتاردىڭ ەسىمدەرىن ماڭگى ەتۋ ءۇشىن «باتىرلاردىڭ قۇرمەتىنە» جوباسىن جۇزەگە اسىرا باستادى. بۇل تۋرالى ەلشىلىكتىڭ جۇما كۇنى تاراتقان حابارلاماسىندا ايتىلعان.

«باتىرلاردىڭ قۇرمەتىنە» جوباسى شەڭبەرىندە رجەۆ تۇبىندەگى ۇرىستاردا قازا تاپقان 100-ءشى جانە 101-ءشى اتقىش بريگادالارى جاۋىنگەرلەرىنىڭ ءتىزىمى جاسالىپ جاتىر، ولاردىڭ ەسىمدەرى رجەۆ قالاسىندا قازاقستاندىق جاۋىنگەرلەرگە ارنالعان ەسكەرتكىشتىڭ گرانيت تاقتاسىنا جازىلادى.

ەسكەرتكىش قازاقستاننىڭ كارتاسى بەينەلەنگەن پاننو تۇرىندە جاسالادى، وندا 1941 جىلى اتالعان بريگادالار قۇرىلعان استانا، الماتى جانە اقتوبە قالالارى نۇكتەمەن بەلگىلەنەدى. مونۋمەنتتىڭ نوباي-جوباسىن قازاقستاندىق ساۋلەتشىلەر جاسادى. ونىڭ قۇرىلىسى اقتوبە وبلىسىنىڭ بيۋدجەتىنەن قارجىلاندىرىلىپ وتىر. ەسكەرتكىشتى 2010 جىلدىڭ كۇزىندە اشۋ جوسپارلانعان.

ماسكەۋ. 25 ماۋسىم. قازتاگ - ۇلى وتان سوعىسىنداعى جەڭىستىڭ 65 جىلدىعى مەرەكەلەنەتىن جىلى قازاقستاننىڭ رەسەيدەگى ەلشىلىگى رجەۆ تۇبىندەگى شايقاستاردا قازا تاپقان قازاقستاندىقتاردىڭ ەسىمدەرىن ماڭگى ەتۋ ءۇشىن «باتىرلاردىڭ قۇرمەتىنە» جوباسىن جۇزەگە اسىرا باستادى. بۇل تۋرالى ەلشىلىكتىڭ جۇما كۇنى تاراتقان حابارلاماسىندا ايتىلعان.

«باتىرلاردىڭ قۇرمەتىنە» جوباسى شەڭبەرىندە رجەۆ تۇبىندەگى ۇرىستاردا قازا تاپقان 100-ءشى جانە 101-ءشى اتقىش بريگادالارى جاۋىنگەرلەرىنىڭ ءتىزىمى جاسالىپ جاتىر، ولاردىڭ ەسىمدەرى رجەۆ قالاسىندا قازاقستاندىق جاۋىنگەرلەرگە ارنالعان ەسكەرتكىشتىڭ گرانيت تاقتاسىنا جازىلادى.

ەسكەرتكىش قازاقستاننىڭ كارتاسى بەينەلەنگەن پاننو تۇرىندە جاسالادى، وندا 1941 جىلى اتالعان بريگادالار قۇرىلعان استانا، الماتى جانە اقتوبە قالالارى نۇكتەمەن بەلگىلەنەدى. مونۋمەنتتىڭ نوباي-جوباسىن قازاقستاندىق ساۋلەتشىلەر جاسادى. ونىڭ قۇرىلىسى اقتوبە وبلىسىنىڭ بيۋدجەتىنەن قارجىلاندىرىلىپ وتىر. ەسكەرتكىشتى 2010 جىلدىڭ كۇزىندە اشۋ جوسپارلانعان.

«قازىرگى ۋاقىتتا ەلشىلىك رەسەي قورعانىس مينيسترلىگىنىڭ ورتالىق مۇراعاتىنداعى ماتەريالداردىڭ نەگىزىندە 100-ءشى جانە 101-ءشى اتقىش بريگادالارىنىڭ قازا بولعان جاۋىنگەرلەرىنىڭ ءتىزىمىن جاساپ جاتىر. بۇگىنگى كۇنگە دەيىن 2730 ەسىپم انىقتالدى. ولار ەلشىلىكتىڭ www.kazembassy.ru سايتىندا ورنالاستىرىلدى. بىراق بۇل ءتىزىم تولىق ەمەس»، - دەلىنگەن ديپميسسيانىڭ حابارلاماسىندا.

وسىعان بايلانىستى ەلشىلىك قازاقستاندىقتار مەن رەسەيلىكتەردەن ءتىزىمدى قاراپ، تولىقتىرىپ، قاجەت بولسا، ەسىمدەردىڭ جازىلۋىن، باسقا دا مالىمەتتەردى تۇزەتۋدى سۇرايدى.