داريعا حانىم مۇمكىن دەيدى

مەكتەپتەر وزدەرىن-وزدەرى قامتاماسىز ەتۋ ءۇشىن، الدىمەن كورپوروتيۆتى مەنەدجمەنتتى يگەرۋ كەرەك ەكەن.

«قوسىمشا قىزمەتتەر ارقىلى تۇسكەن قارجىنى مەكتەپ ديرەكتورلارى ءوز قالتالارىنا سالىپ كەتپەيدى. ول ءۇشىن مەكتەپ جانىنان قوعامدىق كەڭەس قۇرىلادى. قوعامدىق كەڭەس قۇرامى اتا-انالاردان جاساقتالادى. كەڭەسكە مۇشە مەكتەپ وقىتۋشىلار مەن اتا-انالار مەكتەپ بيۋدجەتىنە تۇسكەن قارجىنى باسقارىپ وتىرادى»، - دەيدى داريعا حانىم.

ۆيتسە-پرەمەردىڭ ايتقاندارىنان اڭدىعانىمىز سول، جالپى جانە ورتا ءبىلىم بەرۋ مەكەمەلەرى مۇنداي قىزمەت تۇرلەرى ارقىلى تاپقان قاراجاتتى قوسىمشا كەرەك-جاراققا جۇمسايدى.

دەپۋتاتتىقتان ءماسىموۆتىڭ ورىنباسارى بولىپ ءبىر-اق سەكىرگەن داريعا نۇرسۇلتانقىزىنىڭ ۇلكەن مىنبەرلەردە ايتىپ جۇرگەن اڭگىمەلەرى از ەمەس.

مىسالى، وسى جىلى داريعا نۇرسۇلتانقىزى ورتا جانە جالپى ءبىلىم بەرەتىن مەكەمەلەردە وقۋشىلاردىڭ جازعى ۋاقىتتارى بوس ءوتىپ كەتپەۋى ءۇشىن، وقۋ ماۋسىمىن شىلدەگە دەيىن سوزۋدى ۇسىندى. ۆيتسە-پرەمەردىڭ ايتۋىنشا، جازعى دەمالىس كەزىندە وقۋشىلار اراسىنداعى قىلمىس ارتادى ەكەن. سوندىقتان داريعا حانىم باستاما كوتەرىپ، وقۋ ماۋسىمىن شىلدەنىڭ 1-نە دەيىن سوزۋدى قولعا الىپتى. ونىڭ ايتۋىنشا، ەۋروپادا وقۋشىلار 5-شىلدەدە جازعى كانيكۋلعا شىعادى ەكەن.

پرەمەر-ءمينيستردىڭ ورىنباسارى داريعا نۇرسۇلتانقىزىنىڭ وسى جانە وزگە دە مالىمدەمەلەرىنە قوعام بەلسەندىلەرى مەن ساياساتكەرلەر بىلاي دەپ پىكىر ءبىلدىرىپ جاتىر:

ءامىرجان قوسانوۆ، ساياساتكەر:

-كونستيتۋتسيا بويىنشا، قازاقستان – الەۋمەتتىك مەملەكەت. جانە دە ءاربىر ازاماتتىڭ تەگىن ءبىلىم الۋ مەن تەگىن مەديتسينالىق قىزمەت الۋعا قۇقى سول اتا زاڭىمىزدا جازىلعان. ياعني، مەملەكەتتىك الدە جەكە مەكتەپ نە ەمحاناعا بارا ما – جۇرتتىڭ ءوزى تاڭداۋى ءتيىس. ال حالىقتىڭ سالىعىن جيناپ جۇرگەن مەملەكەت سول تاڭداۋ مۇمكىنشىلىگىن جاساپ، قامتاماسىز ەتۋى ءتيىس. «تەك قانا اقىلى وقۋ ورنىنا نە اۋراحاناعا باراسىڭ» دەگەن ءسوز - كونستيتۋتسياعا قارسى! ءوز باسىم ۆيتسە-پرەمەر نازارباەۆانىي ءسوزىن ءدال وسىلاي، كونستيتۋتسيالىق تالاپتار تۇرعىسىنان قابىلدايمىن! قالعان ءسوزدىڭ ءبارى – دالباسا. ەكىنشى جاعىنان مەملەكەتتىڭ الەۋمەتتىك فۋنكتسياسىنىڭ ازايۋى، ءسوزسىز، قوعامدىق-ساياسي سالدارعا، ءبىرىنشى كەزەكتە، جۇرت نارازىلىعىنىڭ ارتۋىنا اكەپ سوقتىرارى انىق. سوندىقتان دا الەۋمەتتىك سالادا ەكسپرومت نە ەكسپەريمەنت دەگەندەردىڭ ءوزى وتە-موتە قاۋىپتى! جانە دە وسىناۋ ءاربىر ادامعا تىكەلەي قاتىسى بار جاندى ءارى اسا نازىك تاقىراپتار بويىنشا پىكىر ءبىلدىرىپ نە شەشىم قابىلداردا، جەتى ولشەپ، ءبىر ءپىشۋ كەرەك دەپ ويلايمىن!

نۇرگەلدى ابدىعانيۇلى

Abai.kz