ءبىز ەسكى سوزدەرىمىزدىڭ ءبىر ازىن ورىستاردان قابىلداپ، سولاردىڭ مانەرىمەن بەرىپ ءجۇرمىز. سونىڭ ءبىرى "ۆولوست" دەگەننەن شىققان "بولىس" ءسوزى. ورىستار اۋەلدە ونى "ۇلىس" دەگەننەن بۇرمالاپ العان. كەيىن ونىڭ استارىنا ۇڭىلمەي، سول كۇيى "بولىس" دەپ كەتتىك. "توۆار" ءسوزىنىڭ دە ءتۇپ-توركىنى ءوزىمىزدىڭ "تابار" دەگەننەن كەلىپ شىققان. قازىر ونى دا "اۋدارىپ" الىپ، "تاۋار" دەپ تانتىپ ءجۇر. قاشقارلىق ماقمۇت تا "تابار" دەپ جازادى. قازاقتاعى "مالتابار", "مال تابۋ" دەگەن سوزدەر وسىمەن ماعىنالاس بولىپ كەلەدى. ورىسشادان ءبىر نارسەنى اۋدارعاندا، وعان "قازاقى قالىپ" بەرىپ، ارىپتەرىن ءسال عانا بۇرمالاي سالماي، سول ءسوزدىڭ ەتيمولوگياسىنا دا كوز جۇگىرتىپ وتىرسا عوي. ايتپەسە، "تاۋار" دەمەي-اق، "تابار" دەگەنىمىزدە، قازاق ءتىلىنىڭ ۇندەستىك زاڭىنا الدەقايدا جاقىنداۋ بولىپ شىعاتىن ەدى. اۋىلداعىلار ونسىز دا بۇل ءسوزدى "تاۋار" دەپ ءتىلىن بۇراماي-اق، "تابار" دەپ قانا ايتادى...

جولىمبەت ماكىش

Abai.kz