رەسەيدىڭ ءنوۆوسىبىر قالاسىندا قۇپيا قۇرىلتاي وتكىزبەك بولعان 120 ۇلتشىل ۇستالدى. ولاردىڭ باسىم بولىگى كەمەروۆ وبلىسى، التاي جانە ءسىبىردىڭ تۇكپىرىنەن كەلىپتى. بۇل تۋرالى halyknews.kz سايتى لايفنيۋس باسىلىمىنا سىلتەمە جاساپ حابارلايدى.

ۇلتشىلدار وتكىزەتىن شارانى قۇرىلتاي دەپ ەمەس، كونتسەرت دەپ جاسىرماق بولىپتى. قالادان ۇلكەن ءۇيدى جالعا الىپ، جيىندى باستاي بەرگەندە، ارنايى جاساق ساۋ ەتە قالدى. بولمەلەردەن زاڭ بويىنشا تىيىم سالىنعان  فاشيستىك بەلگىلەر، جالاۋشالار مەن وزگە دە زاتتار تابىلعان.

— بۇرىنعى «رەسترۋكت» ۇلتتىق سوتسياليستىك قوزعالىسى ءنوۆوسىبىر بولىمشەسىنىڭ بەلسەندىلەرى كورشى ايماقتاعى ۇجىمداردىڭ قاتىسۋىمەن سۋبمادەنيەتتى مۋزىكالىق كونتسەرت ۇيىمداستىردى. وندا وڭشىل راديكالدىق يدەيالار، زورلىق—زومبىلىق، ۇلتتىق وشپەندىلىك ناسيحاتتالدى،— دەپ حابارلادى فەدەرالدىق قاۋىپسىزدىك قىزمەتى باسقارماسىنىڭ ءنوۆوسىبىر يۋولىمشەسىندەگى رەسمي وكىلى يرينا زەبروۆا.  

باسىلىمنىڭ حابارلاۋىنشا، ۇلتشىلدار نوۆوسىبىرگە ءان ايتىپ، بي بيلەۋ ءۇشىن عانا جينالماپتى. جيىننىڭ ماقساتى تۇرمەگە قامالعان ۇلتشىلداردى سىرتتان قولداپ وتىرۋ ءۇشىن اقشا جينايتىن «وبششاك» قۇرماق بولعان ەكەن.

اباي-اقپارات