قاشقاندار قۇتىلمادى
اقتاۋداعى تۇرمەدەن قاشقانداردىڭ قالعان ون ءۇشى بۇگىن تۇندە ۇستالدى
قۇرىق
اقتاۋ، 26-ماۋسىم.
بۇگىن، 26-ماۋسىم كۇنى، اراعا ءتورت كۇن تولعاندا گازەتىمىزدىڭ تىلشىسىنە ساعات تۇنگى 22-00-لەر شاماسىندا تۇرمەدەن قاشقان قىلمىسكەرلەردىڭ قالعاندارىنىڭ ۇستالعانى تۋرالى اقپارات جەتتى.
ەستەرىڭىزگە سالا كەتەيىك، 22-ءشى ماۋسىم كۇنى تاڭعى 5:10 شاماسىندا اقتاۋ قالاسىنىڭ سىرتىنداعى گم 172/1 قاتاڭ رەجيمدەگى كولونيادا اتىس بولىپ، ودان 21 سوتتالعان قاشىپ شىققانى تۋرالى حابار سول كۇنى تاڭ اتپاستان بۇكىل الەمگە تاراپ ۇلگەرگەن ەدى. سۋىت وقيعادان جەتى سوتتالعان ءولىپ، بىرەۋى ۇستالعانى، قالعان ون ءۇشى قاشىپ قۇتىلعانى تۋرالى ەستىمەگەن جان جوق...
ەستۋىمىزشە، ماڭعىستاۋ وبلىستىق ىشكى ىستەر دەپارتامەنتى، «ارلان» ارنايى توبىنىڭ ىزدەستىرۋىمەن ماڭعىستاۋ اۋدانى، شەتپە ەلدى مەكەنىنەن 20 شاقىرىم قاشىقتىقتاعى ايراقتى تاۋىنىڭ ماڭىندا جاسىرىنعان قاشقىندارمەن ارنايى جاساق اراسىندا اتىس بولعان. ناتيجەسىندە، 8 سوتتالعان ءولىپ، 5-ەۋى قولعا ءتۇستى، ارالارىندا جارالى بار ەكەن. ال، ساربازدار تاراپىنان ءبىر ادام جاراقاتتى. سونداي-اق، قاشقانداردى كولىكپەن الىپ جۇرگەن تاعى 2 ادام ۇستالعان. ەستۋىمىزشە، ولار كولىكتەرگە جارىلىس جاساعان.
اقتاۋداعى تۇرمەدەن قاشقانداردىڭ قالعان ون ءۇشى بۇگىن تۇندە ۇستالدى
قۇرىق
اقتاۋ، 26-ماۋسىم.
بۇگىن، 26-ماۋسىم كۇنى، اراعا ءتورت كۇن تولعاندا گازەتىمىزدىڭ تىلشىسىنە ساعات تۇنگى 22-00-لەر شاماسىندا تۇرمەدەن قاشقان قىلمىسكەرلەردىڭ قالعاندارىنىڭ ۇستالعانى تۋرالى اقپارات جەتتى.
ەستەرىڭىزگە سالا كەتەيىك، 22-ءشى ماۋسىم كۇنى تاڭعى 5:10 شاماسىندا اقتاۋ قالاسىنىڭ سىرتىنداعى گم 172/1 قاتاڭ رەجيمدەگى كولونيادا اتىس بولىپ، ودان 21 سوتتالعان قاشىپ شىققانى تۋرالى حابار سول كۇنى تاڭ اتپاستان بۇكىل الەمگە تاراپ ۇلگەرگەن ەدى. سۋىت وقيعادان جەتى سوتتالعان ءولىپ، بىرەۋى ۇستالعانى، قالعان ون ءۇشى قاشىپ قۇتىلعانى تۋرالى ەستىمەگەن جان جوق...
ەستۋىمىزشە، ماڭعىستاۋ وبلىستىق ىشكى ىستەر دەپارتامەنتى، «ارلان» ارنايى توبىنىڭ ىزدەستىرۋىمەن ماڭعىستاۋ اۋدانى، شەتپە ەلدى مەكەنىنەن 20 شاقىرىم قاشىقتىقتاعى ايراقتى تاۋىنىڭ ماڭىندا جاسىرىنعان قاشقىندارمەن ارنايى جاساق اراسىندا اتىس بولعان. ناتيجەسىندە، 8 سوتتالعان ءولىپ، 5-ەۋى قولعا ءتۇستى، ارالارىندا جارالى بار ەكەن. ال، ساربازدار تاراپىنان ءبىر ادام جاراقاتتى. سونداي-اق، قاشقانداردى كولىكپەن الىپ جۇرگەن تاعى 2 ادام ۇستالعان. ەستۋىمىزشە، ولار كولىكتەرگە جارىلىس جاساعان.
بۇل وقيعانىڭ سۇلباسى انىقتالا باستاعاننان بەرى رەداكتسيا جۋرناليستەرى ماسەلەنى ءجىتى باقىلاۋ ۇستىندە. الايدا، وقيعانىڭ ءدىني «بوياۋى» بارلىعى، قاشقاندار ۋاححابيلىك اعىمىن ۇستاناتىندار ەكەنى اقپارات انىق بولسا دا ءالى داۋلى كۇيىندە. بىراق، تۇرمەدەن قاشقان 21 ادامنىڭ ءبىرى، قولعا تۇسكەن ج.قۇرماشەۆ تەرگەۋ بارىسىندا وقيعانىڭ قالاي باستالعانىن بايانداپ بەرگەن. ول قاشقانداردىڭ ۋاححابيلىك اعىمدا بولعانىن جوققا شىعارمايدى. ونىڭ ايتۋىنشا، 22-ماۋسىم كۇنى تاڭعى ساعات 5.10-دا بولعان وقيعانىڭ جوسپارى بويىنشا، ولاردى قاقپا سىرتىندا ءۇش اۆتوكولىك كۇتىپ تۇرعان. ەگەر امان قۇتىلىپ شىققان جاعدايدا، ولار جامبىل وبلىسىنىڭ قاراتاۋ تاۋىنا جەتپەك بولعان. قۇرماشەۆتى تەرگەۋ بارىسىندا ولاردىڭ ۋاحاببيتتىك باعىت ۇستانعاندارى انىقتالعانى تۋرالى انىقتاما ينتەرنەت سايتتارى بەتىندە جاريالاندى. كەيبىر ماعلۇماتتارعا قاراعاندا تۇرمەدەن قاشقانداردىڭ ىشىندە تۇرمەنىڭ يمامى بەكەنوۆ بولعانى تۋرالى ءبىز جازعان بولاتىنبىز (قاراڭىز، «ءۇش قيان» №23, «قاتەر - قاپاستان شىقتى»، 24.06.2010ج.).
قاشقىن تۇتقىنداردىڭ ىشىندە 2007 جىلى قورداي اۋدانىندا «تاكفيرلەر جاماعاتى» لاڭكەستىك ۇيىمىن قۇرعانى جانە باسقارعانى ءۇشىن قر قك 233,164,251 بابى بويىنشا سوتتالعان داۋرەن الىمبەتوۆ دەگەن ۋاححابيت قىلمىسكەر دە بار. سونىمەن قاتار 2008 جىلى ماڭعىستاۋدا پوليتسيا كاپيتانى بيسەكەنوۆتى «اللاھۋ اكبارلاپ» ولتىرگەن ۋاححابيلىك اعىم مۇشەلەرى ە.الپانوۆ، ن.اجيەۆ، و.جولداسباەۆ بار بولعان. وسىنىڭ ءبارى بۇل وقيعانىڭ ءدىني بوياۋى قانشالىقتى قالىڭ ەكەنىن كورسەتسە كەرەك.
ءبىزدىڭ ەلدە كەيبىر ءدىني استارى بار قاندى قىلمىستاردى جاساۋشىلاردىڭ يدەولوگيالىق جاعى بۇركەمەلەنىپ، دىنگە قاتىسى جوق قىلمىس (توناۋ، كىسى ءولتىرۋ) تۇرىندە سوتتالىپ جاتاتىنىن ەسكەرسەك، بۇل وقيعانىڭ دا ءدىني استارى بۇركەمەلەنۋى مۇمكىن دەگەن كۇدىك تۋادى. سونداي-اق قازاقستان تۇرمەلەرىندە ءتىپتى باسقا «كلاسسيكالىق قىلمىس» تۇرىمەن تۇسسە دە، ولاردان وتە جىلدام تۇردە ۋاححابشى «جاساپ» شىعاراتىن تەگەۋرىنى قاتتى قاتەرلى ۇدەرىستىڭ ۇدەپ تۇرعانى دا قىلمىستار سيپاتىن انىقتاۋدى قيىنداتادى.
ارينە، كىسى ءولتىرىپ، مەملەكەتكە، قوعامعا، جەكە ادامنىڭ حاقىسىنا قارسى جاسالعان قىلمىس قانداي ۇراندارمەن بۇركەمەلەنسە دە، ودان ونىڭ «ءباسى» كەمىمەيدى. بۇل ورايدا اڭگىمە كورىنىپ تۇرعان اقيقاتتى بۇرمالاعىسى كەلەتىن كەيبىر قۇزىرلى ورىندار وكىلدەرىنىڭ قىلىعى تۋرالى بولىپ وتىر. كۇنى كەشە اقپارات قۇرالدارىندا ماڭعىستاۋ وبلىستىق پروكۋراتۋراسى وكىلدەرى وقيعانىڭ ءدىني استارىن كوپە-كورىنەۋ ەلەگىسى كەلمەگەن ءتۇر بايقاتتى. الايدا، «بۇركەنگەن جەرگە بۇرگە ءۇيىر بولاتىنى» تاعى راس. عالام بولىپ تاس ءتۇيىن كۇرەسىپ جاتقان تەرروريزم مەن ءدىني ەكسترەميزم ارەكەتتەرىن اشىق تالقىلاپ، قوعامدى قۇلاقتاندىرىپ، ساقتاندىرۋدىڭ نەسى زيان ەكەنىن تۇسىنبەي-اق قويدىق. ەلدەگى رۋحاني-ءدىني پروتسەستەردىڭ دامۋ ۇدەرىسىن ءجىتى قاداعالايتىن «ءۇش قيان» اقتاۋ تۇرمەسىنە قارۋلى شابۋىل وقيعاسىنىڭ دا جاي-جاپسارىن باقىلاۋدا ۇستاپ، وقىرمانعا شىنايى اقپارات، تىڭعىلىقتى تالداۋ ۇسىنۋدى جالعاستىرماق نيەتتە.
الماس قۋانباي
«ءۇش قيان»
27-ماۋسىم، 2010 جىل
