اقش پرەزيدەنتىمەن سۇحباتتاسۋ بارىسىندا جۋرناليست دجەففري گولدبەرگ وباما ۆلاديمير ءپۋتيندى "جاعىمسىز ءارى دورەكى" دەپ ەسەپتەيتىن سەكىلدى دەگەن سەزىمىمەن ءبولىستى. وباما بولسا، ءپۋتيندى جاعىمسىز دەپ اتاي المايتىنىن جەتكىزدى:

"شىن مانىندە پۋتين ءبىزدىڭ بارلىق كەزدەسۋلەرىمىزدە اركەز وتە سىپايى جانە اشىق بولادى. ءبىزدىڭ كەزدەسۋلەرىمىز تەك جۇمىس بابىمەن بولدى. ول باسقالارعا جاساعانداي، مەنى ەشقاشان ەكى ساعات كۇتتىرىپ قويعان ەمەس", - دەدى اقش پرەزيدەنتى.

وبامانىڭ سوزىنشە، پۋتين اقش-پەنەن قارىم-قاتىناستى ماڭىزدى دەپ ەسەپتەيدى:

"ول ادام رەتىندە، بىزبەن جۇمىس ىستەۋشى رەتىندە، ارقاشان بىزبەن قاتار تۇرۋعا قىزىعۋشىلىق ءبىلدىرىپ كەلەدى. پۋتين اربىردەن كەيىن اقىماق ەمەس. ول شىن مانىندە رەسەيدىڭ الەمدەگى ۇستانىمىنىڭ السىرەگەنىن تۇسىنەدى. ونىڭ قىرىمدى باسىپ العانى، اسادتى قولداۋى ونى ماڭىزدى ويىنشى ەتپەيدى. ءسىز ونى وسى ماسەلەلەرگە قاتىستى كۇن تارتىبىندەگى ەشبىر كەزدەسۋلەردەن كەزدەستىرمەيسىز".

ء"پۋتيننىڭ ۋكرايناعا جاساعان ارەكەتى ونىڭ باقىلاۋىن بىردەن السىرەتتى. ول بۇل ەلگە باقىلاۋدى ساقتاپ قالامىن دەپ ويلادى. سيرياعا قاتىستى دا سولاي ويلادى، ءوزىنىڭ ەلىنىڭ بەرەكەسىن، يگىلىگىن قۇربان ەتتى. ەگەر رەسەي قازىرگى ۇستانىمى ارقىلى ۋكرايناعا، نە سيرياعا اسكەرىن كىرگىزۋ ارقىلى قۇدىرەتتى كۇش يەسى بولىپ وتىرمىن دەسە، قاتەلەسەدى ءارى بۇل مۇمكىن ەمەس. ەشقاشان دا كۇش جۇمساۋ ارقىلى حالىقارالىق قاتىناستا قۇدىرەتتى كۇشكە يە بولا المايسىڭ. ۋكراينا دەربەس، تاۋەلسىز ەل بولعاندا رەسەي الدەقايدا قۇدىرەتتى بولاتىن" – دەپ اتاپ ءوتتى اقش پرەزيدەنتى سۇحباتىندا.

وباما سونىمەن بىرگە تابىستى جانە كوتەرىلىپ كەلە جاتقان قىتايدان كورى، السىرەگەن ءارى ۇرەيلەنگەن قىتايدان قورقۋ كەرەكتىگىن ايتتى. ونىڭ سوزىنشە، ءالسىز رەسەي دە قاۋىپ توندىرەدى، بىراق قىتايدىڭ دەڭگەيىندە ەمەس: "قىتايعا قاراعاندا ورىستاردا دەموگرافيالىق، ەكونوميكالىق پروبلەما بار. ولاردى جەڭۋ ءۇشىن تۇسىنىك عانا ەمەس، تۇتاس ۇرپاقتىڭ ۋاقىتى كەرەك".

ء"پۋتيننىڭ تاڭداعان جولى بۇل ۇندەۋلەردى اسكەري كۇش قولدانۋ ارقىلى جەڭە المايدى. بىراق پۋتين وسىعان جاقىنداۋ. سول سەبەپتەن دە، ول بىزگە ەش ۇرەي تۋعىزا المايدى. ونىڭ قاۋىپىن ءبىز باعالامايمىز", - دەدى وباما.

اباي-اقپارات