9 ناۋرىزدا قابىلدانعان قاراردا قازاقستانداعى ءسوز بوستاندىعى سوڭعى جىلدارى ناشارلاعانى ايتىلادى. قاراردا ەۋروپا پارلامەنتىنىڭ دەپۋتاتتارى استانانى وپپوزيتسيالىق Nakanune.kz سايتىنىڭ رەداكتورى گۋزيال بايدالينوۆانى بوساتۋعا جانە قازاقستان جۋرناليستەر وداعىنىڭ توراعاسى سەيىتقازى ماتاەۆ پەن ونىڭ ۇلى، قازتاگ اگەنتتىگى جەتەكشىسى اسەت ماتاەۆتى قۋعىنداۋدى توقتاتۋعكا شاقىرادى.

ەۋروپارلامەنت دەپۋتاتتارى بۇعان قوسا قازاقستان بيلىگىن جۋرناليستەر ءىسى بويىنشا سوت پروتسەستەرىن اشىق وتكىزۋگە ۇندەگەن.

ەۋروپارلامەنت سونىمەن قاتار قىلمىستىق كودەكستىڭ "زاڭعا ساي ارەكەتتى قىلمىستىق ءىس قوزعاۋ ءۇشىن پايدالانىلۋى مۇمكىن" 174 بابىن ("الەۋمەتتىك، ۇلتتىق، رۋلىق، ناسىلدىك، تاپتىق نەمەسە ءدىني الاۋزىدىقتى قوزدىرۋ") قايتا قاراۋعا شاقىرادى.

ەۋروپارلامەنت ۇكىمەتتىك ەمەس ۇيىمداردىڭ (ۇەۇ) قىزمەتى تۋرالى زاڭدى "قازاقستانداعى ۇەۇ-نىڭ تاۋەلسىزدىگى مەن ءومىر سۇرۋىنە نۇقسان كەلتىرەدى" دەپ الاڭداۋشىلىق تانىتتى.

اباي-اقپارات