قازاقستاندا 20 مىڭ ادامنىڭ ايلىق جالاقىسى 50 مىڭ اقش دوللارىنان اسادى ەكەن، – دەپ جازادى news.mail.ru سايتى.

 مۇنداي دەرەكتى "كەنەسارى حان" قوعامدىق قورىنىڭ توراعاسى ءۋاليحان قايسار مىرزا ايتىپ وتىر.

«بىزدەن كوپتەگەن ادامدار قايىرشىلىقپەن كۇرەسۋ ءۇشىن قارجىنى قايدان الۋعا بولادى؟» دەپ سۇرايدى. بىرىنشىدەن، بىزدە مەملەكەتتىڭ جانە بيۋدجەتتىڭ اقشاسى تالان-تاراجىعا تۇسپەۋى كەرەك. بۇل – نەگىزگى كىرىس كوزى. ەكىنشىدەن، سالىق تولەۋ ۇدەرىسىن ءبىر قالىپقا ءتۇسىرۋ كەرەك. ياعني، بايلار مەن تابىسى مول ادامدار كەدەيلەردەن كوپ سالىق تولەۋى ءتيىس. بۇگىنگى تاجىريبەگە قاراساق، سالىق تولەۋشىلەردىڭ دەنى ءوز تابىسىنىڭ ون پايىزىن عانا مەملەكەت بيۋدجەتىنە سالادى. ەلىمىزدە قازىر 20 مىڭ ادامنىڭ ايلىق جالاقىسى 50 مىڭ اقش دوللارىنان اسىپ  جىعىلادى. بۇل ادامدار ولاردى قولداپ، وسىلاي مول قارجى تابۋىنا مۇمكىندىك تۋعىزىپ وتىرعان ەلگە كوپ سالىق تولەۋى ءتيىس»، –  دەپ مالىمدەدى «كەنەسارى حان» قق-نىڭ باسشىسى ءۋاليحان قايساروۆ.

وسكەمەن قالاسىندا وتكەن بۇل جيىنعا ونشاقتى ادام مەن بىرنەشە جۋرناليست قاتىسقان. پارتيا وكىلدەرى جيىندى جەرگىلىكتى مەكتەپتىڭ ءبىر بولمەسىندە پارتادا وتىرىپ وتكىزدى.

Abai.kz